2023 жылғы 1 қазанда Алматыда Орталық Азиядағы ең ауқымды жүгіру жарысы — он екінші Алматы марафоны өтеді. Осы күні әлемнің түкпір-түкпірінен келген 15 000 атлет өз қашықтықтарын еңсеру үшін сөреге шығады.
Марафонға 15 жастан асқан тілек білдіруші адамдардың барлығы қатыса алады және мәреге жеткенде мәрешінің естелік медалін алады. Барлық жас санаттарында ерлер мен әйелдер арасындағы жеңімпаздар үштігі медальдармен, грамоталармен және естелік сыйлықтармен марапатталады.
21,1 км және 42,2 км қашықтықтарында жарысқа қатысқан ерлер мен әйелдер арасында абсолютті санатта жеңіске қол жеткізгендер сондай-ақ ақшалай жүлделерге ие болады.
Қатысу үшін almaty-marathon.kz сайтында тіркеліп, қатысу ақысын төлеу қажет.
