Сеул жайында
2014 жылы Өңірлік даму министрлігінде жұмыс істеген кезде, мен KOICA (Халықаралық ынтымақтастық жөніндегі Корей агенттігі) бағдарламасының байқауына қатыстым – бұл бағдарлама бойынша мемлекеттік қызметкерлер әртүрлі салаларда тәжірибе алмаса алады. Бағдарлама бойынша мен «Өңірлік даму» магистратурасында оқып шықтым. Оқу ағылшын тілінде өтті.
Мен University of Seoul оқу орнында оқыдым. Бізге шәкіртақы төлеп, жатақхана ұсынды. Оқу үш семестрді қамтыды. Бірінші семестрден кейін, мемлекеттік кәсіпорындарда, ірі корей компанияларында міндетті тағылымдамадан өттік. Біз құрылыс, тұрғын үй және жер қарым-қатынастары, жаңа қалалардың, инфрақұрылымдардың дамуы салалары бойынша кәрістердің тәжірибесін қабылдадық. Мен Land and Housing Corporation мемлкекеттік компанияда тағылымдамадан өттім. Біз компанияның құрылыс және тұрғын үй саласындағы жұмысын бақыладық. Өзіміз де қазақстандық тәжірибемізбен бөлістік.
Сеулға сапарым шетелге шыққан алғашқы сапарым еді. Маған табиғаты үлкен әсер етті. Күз бен көктем – мен үшін жылдың ең көрікті маусымдары. Наурыз айында сакура гүлдеген кезде, айрықша әдемі болады.
Сеул — заманауилықтың және ескі салт-дәстүрлердің ықпалы орын алатын ірі мегаполис. Осында өте әдемі Кенбоккун сарай кешені бар.
Сонымен қатар Каннаму ауданы қызықты жер, ол өзінің салтанатты өмір салтымен ерекшеленеді – Psy корей рэпері әнін осында орындаған болатын. Жастар Хондэ ауданына баруды ұнатады. Осында клубтар, барлар көп – жалпы түнгі өмірі қызыққа толы. Ал Итэвон ауданында әлемнің әртүрлі тағамдары ұсынылатын мейрамханаларды табуға болады. Халал мейрамханалары да бар, сол себепті көп мұсылмандар осында келуді ұнатады.
Сеулда жергілікті адамдар демалуды жақсы көретін саябақтар көп.
Оларда көлік жүйесі дамыған. Мен метромен жүрдім, ал такси өте қымбат.
Кореяда болған кезде, бұл елдің барлық дерлік ірі қалаларында болып шықтым. Пусанда жақсы жағажайлар бар. Елдің оңтүстік бөлігінде орналасқан Йосу қаласында да теңіз бар. Тэгу, Куми, Ульсан, Кенджу және тағы басқа қалаларында болдым. Бағдарламаның аясында мен көлік және кеме жасау зауыттарында, мобильді телефондардың эволюциясын көрсеткен Samsung зауытында болдым.
Кореяға баратын адамдарға көбірек косметика сатып алуға кеңес берер едім. Осында оның бағасы сапасына сай келеді.
Сеулға жақын жерде қыста шаңғы тебуге, ал жазда тауларды аралауға болады. Сол жерге дейін бастапқыда метромен баратынбыз, кейін автобуспен жетіп жүрдік.
Қалада Хан өзені бар. Оның бойында көп саябақтар мен веложолдар бар. Велосипедті жалға алып, жағалау бойымен жүруге кеңес беремін – осы жерден керемет көрініс ашылады. Осында да көп дәмханалар мен мейрамханалар бар.
Тамақ жайында
Кәрістер шағын дәмханаларда тамақтануды жөн көреді. Мен тамақтың қышқыл-тәтті дәміне ұзақ уақыт үйрене алмадым. Бірақ уақыт өте корей халқының барбекюлерін ұната бастадым – шикі етті әкеледі де, оны өзіңіз қуырасыз.
Маған Корей елінде негізгі тағамнан бөлек жеңіл тамақтар, салаттар, тұздықтар және кимчи ұсынатыны ұнайды. Сонымен қатар осында теңіз өнімдерін жеп көруге кеңес беремін.
Адамдары жайында
Жергілікті адамдар қазақстандықтар сияқты сыпайы, мейірімді және қонақжай болып көрінді. Олар достарын үйге шақыруды ұнатады және қонаққа жайлы болу үшін барлығын жасауға тырысады.
Кәрістер спортпен айналысуды жақсы көреді және жас болып көрінеді. Шетелдіктер әрдайым жас болудың құпиясын сұрайды – менің ойымша, бұл олардың саламатты өмір салтына байланысты. Апалар мен аталар ерте тұрып, көшелердегі жаттығу құрылғыларымен айналысады, тауға барады. Және біздің аға буын өкілдеріне қарағанда корей халқының үлкен жастағы адамдары әлдеқайда ширақ болып келеді.
Мен корей сериалдарын қарамаймын, бірақ «korean drama» жанры оларға сай – олар әсерленгіш адамдар.
Жастардың сәні ерекше, олар бір-біріне мүлдем сай келмейтін киімдерді кие алады.
Жалпы кәрістер – нағыз еңбекқор халық және олар қазіргі бар жағдайына өздерінің күшімен қол жеткізді.
Заманауи, әрі дәстүрлі Сеул қаласындағы өмірі жайында бөліскен – Мақажанова Жанна.
