«Тамаша жыл» – The Big Year
Бүгінде 100 шығарылымы жарық көрген подкаст «қосымша даму құралы» ретінде жақсы көңіл күй сыйлап, мотивациялық бағытта ақпарат береді. Подкаст жүргізушісі мен авторы – Талшын Тоқыжанова тұлғалық даму, экология және позитивті ойлау мәселелерін козғайды.
FindyourB
Қазақ және орыс тілдерінде жүргізілетін подкаст өзін және қоғамды тануды қалайтын адамдарға арналған. Подкастта өз орнын тауып, мақсаттары мен армандарын жүзеге асыра білген әртүрлі адамдардың сұхбаттары ұсынылады. Жобаның авторы – Қайыржан Әлбазаров.
Qazaqsha Podcast
Осы подкастта қоғамда орын алатын әртүрлі мәселелер талқыланады және өмірге, адамға, құбылыстарға қатысты пікірлер мен тың көзқарастар айтылады. Авторы, әрі тұрақты жүргізушісі – Бэлла Орынбетова.
Qarlygash Podcast
Назым Сапарованың авторлығымен жасалған жоба тұрмыстағы экология тақырыбына арналған. Басты аудиториясы – қыз-келіншектер, сол себепті подкаст үй шаруасындағы әйелдердің экосауатты болып, қыздардың экобелсенділігін арттыруды мақсат етеді.
OY-DETOX
Авторы Айнель Әмірханның айтуынша, подкасттың негізгі идеясы — ақпарат ағымында адасып кетпей, ой, сана тазалығын сақтау жолдарын іздеу. Подкастта әртүрлі саладағы тұлғалармен сұхбат құрылып, қоғамдағы өзекті мәселелер талқыланады.
