Қуаныш Шонбай, @kuantr
Қуаныш Шонбай – кәсіпкер, @shonbay.online мектебінің негізін салушы, «Екінші болма», «Бізге айтылған құпия» кітаптарының авторы. Өзінің парақшасында өздігінен даму, дұрыс мақсаттар қоя білу және оларға жетудің жолдары, жеке брендті қалыптастыру, маркетинг және кәсіпкерлік тақырыптарында жазады.
Өркен Кенжебек, @orkeni
Өркен Кенжебек – медиа саласының маманы, журналист, саяхатшы, Ruhkz Youtube-каналының авторы. Жазбаларында саясаттан бастап тарихқа дейін әртүрлі салаларды, қоғамдағы өзекті мәселелерді талқылап, білімімен және жеке тәжірибесімен бөліседі.
Эльвира Ерғалина, @elvira_ergalina
Эльвира Ерғалина – журналист, SMM маманы. Бүгінде Instagram арқылы ақша табуды, мәтіндер жазуды, сатуды үйретеді. Блогер ретінде өмірлік тәжірибелерімен, кеңестерімен бөлісіп, мотивация, жеке тұлғаның дамуы тақырыптарында жазады.
Перизат Мырзахмет, @perizatmyrzakhmet
Перизат Мырзахмет — редактор және сценарийші. Өзінің парақшасында мотивациялық жазбалармен, әртүрлі тақырыптардағы ой-толғауларымен бөліседі. Сондай-ақ, #суперредактор хештегі бойынша редакторларға арналған дәрістерді табуға болады.
Айна Досмахамбетқызы, @aina_doskyzy
Айна Досмахамбетқызы — Method Digital Education орталығының бас директоры. Силикон алқабындағы Techwomen 2019 бағдарламасының тағылымдамасына қатысқан. SMM бойынша қазақ тіліндегі алғашқы онлайн-курстарының және @ajyraspa жобасының авторы.
Тимур Бектұр, @timurbektur
Тимур Бектұр – IT-салаcының маманы, маркетолог, медиа-кеңесші және жаттықтырушы. Ақпараттық технологиялар және оның маңызы, тарих, дін сияқты тақырыптарда жазып, пайдалы ақпаратпен, кеңестерімен бөліседі.
