Бешпармақ
Түркі тілдес халықтардың дәстүрлі етті тағамы. Бешпармақ отбасылық мейрамдар немесе қонақтарды қарсы алған кезде әзірленеді.
Қуырдақ — куурдак
Қазақтар, қырғыздар, тәжіктер, өзбектер және түрікмендерде еттен немесе көжелік өнімдер мен сарымсақпен қуырылып берілетін дәстүрлі тағам. Атауы қырғыздың «кууруу», ал қазақтың «қуыру» сөзінен шыққан. Қуырдақ жаңадан сойылған қой немесе сиыр етінен: бауыр, жүрек, чучуктардан әзірленеді. Қазіргі кезде тағамға картоп, сәбіз, асқабақ көкөністерін қосады. Қырғыздарда қуырдақтың кара куурдак, солкулдак куурдак, борпошо куурдак сияқты бірнеше түрі бар.
Қазы
Түркі халықтары арасында деликатес ретінде саналатын, жылқы етінен дайындалатын шұжық. Жылқының ішегіне қабырға етін салу арқылы дайындалады.
Қарта
Жылқының ішекке тығылған еті. Жуылып, тұздау арқылы дайындалады. Піскен күйде ұсынылады. Қазақтар, қырғыздар, татарлар, қарақалпақтар арасында деликатес болып саналады. Қазы мен қарта көбінесе бірге пісіріледі және бір үлкен тағам ретінде ұсынылады.
Шұжық — чучук
Дәстүрлі деликатес. Алдын ала тұздалған ет пен майдың кесектері ішектің ішіне салынады. Қазақстанда және Қырғызстанда шұжық жылқы етінен әзірленеді.
Жал
Қазақтар мен қырғыздарда бұл жылқы жалының майы. Жылқының жалын алған кезде, мойынның біраз еті алынады. Жылқы етінің майлы кесегі болып саналады. Қақталып пісіріледі де, суық күйінде ұсынылады. Жал сиырдың сан еті – жаямен беріледі.
Кан — быжы
Қой етінің қанымен әзірленетін алтайлықтардың деликатесі. Қанға қуырудың алдында сүт, қой майын, сарымсақты және тұзды қосады. Кейін бұл тұздықты қойдың майы ішіне аударылған ішегіне құяды. Қырғыздар кан шұжығын сүтсіз дайындайды және оны «быжы» деп атайды.
Қымыз
Биенің сүтінен дайындалатын қышқыл сүт өнімі. Қазақтардың, қырғыздардың және алтайлықтардың дәстүрлі сусыны болып табылады.
Айран
Түркі халықтарының қышқыл сүт өнімінің түрі. Ал шалап – сумен араласқан айран.
Құрт — курут
Сүт өнімдерінен жасалатын тағам. Қақталған және қатты ірімшікті ашытқыда қайнатылған сүттің негізінде жасайды. Сүзбені кішігірім бөліктерге бөледі. Кейін оларды тақтаға жайып, екі-төрт күн кептіреді. Дәмі тұзды және оны ұзақ уақыт сақтауға болады. Орталық Азияның әрбір халқында құрт әртүрлі болып келеді. Барлығы бірегей қатықтың ашытқысына және бастапқы шикізатқа, яғни сүтке байланысты.
Бауырсақ — боорсок
Алтайлықтардың, қазақтардың, қырғыздардың және басқа түркі халықтардың ұннан жасалатын дәстүрлі тағамы. Әдетте тұщы немесе ашытқан қамырдан шағын дөңгелек немесе шаршы бәліштер жасалып, қазанда пісіріледі.
Талқан
Ұсақталып қуырылған арпа. Тамаққа және «чаракқа» қолданылады. Талқан қасиетті өнім болып саналады, алтай халқының салттарында қолданылады.
Қаймақ
Қышқыл сүт өнімі. Пісірілген сүттің бетін ашып, салқын жерге қойса, сүт салқындаған сайын оның бетіне қабыршықтанып қаймақ жиналады. Қаймақтың қоюлығы сүттің құнарлығына да байланысты. Сонымен бірге сүттің пісірілуіне де байланысты болып келеді. Оны көжеге қосады немесе нанмен жейді. Алтайлықтар қалған сүтті чегене дайындау үшін қолданады.
