Қазақстандық бишісімен танысып, оның бос уақытын қайда өткізетінін, неден шабыт алатынын, нені тыңдап, көруді ұнататынын, қандай киім брендін таңдайтынын білдік.
Асхат Төлегенов, 27 жаста, қаласы — Алматы, кәсіби биші, @askhat_tolegenov
Өзі туралы
Менің туып-өскен жерім Алматы қаласы. Бимен айналысып жүргеніме 12 жыл болды. Стильдерім — паппинг және локинг. Бразилиялық джиу-джитсумен де айналысамын. Бұған дейін «Цесна» және «Қайрат» клубтарында футбол ойнадым.
Велосипед тебуді жақсы көремін. Сондай-ақ көп уақыт бойы музыка коллекциясын жианумен айналыстым.
Менің ортам — шығармашылық пен спорт адамдары. 2011-2018 жылдар аралығында Марат Ягфаров жетекшілік ететін Funky Town студиясының құрамында болдым. Мұнда маған Elite Kazakh Team үлкен әсер етті. Ғазиз Мәлібеков, Әділхан Көшімбаев, Ғалымжан Балсары, Марат Ягфаров, Борис Мен сияқты тұлғалардан көп білім алдым. Бұл адамдар маған көп көмектесті. Әлі де хабарласып, араласып тұрамыз. Сондай-ақ Қазақстанның би индустриясы үшін көп еңбек сіңірген Татьяна Хегайды да атап өткім келеді.
Қазіргі уақытта менің ортам — менімен бірге жаттығып жүрген жандар. Олар: Ғалымжан Балсары, Алмас Уромбаев, Мағжан Taki Rock, bboy Jet, Bboy Kair, Яковенко Елизавета, bboy Александр, Аружан Садықбаева.
Ұнайтын музыка, кітап және фильм
Музыкада funk, R&B, hip-hop жанрларын ұнатамын. Менің көптеген сүйікті орындаушыларым бар: Gap Band, Dazz Band, Kool and the Gang, Zapp and Roger, Jamiroquai, James Brown, Michael Jackson, Ron Banks, Skyy, Chuck Brown, Cheryl Lynn, Aretha Franklin, 2Pac, Rick James, Snoop Dogg, Cameo, Q-Tip, Method Man, Kaytranada, H.E.R және т.б.
Бұрын мелодрамаларды көп көретінмін. Уақыт өте келе спортшылар, шығармашылық адамдары, саясаткерлер туралы деректі фильмдерді ұната бастадым. Менің сүйікті сериалым — аргентиналық ескі «Мятежный дух» сериалы. Маған оны қайталап көру ұнайды. Narcos-тың барлық маусымы ұнайды.
Сондай-ақ Netflix сериалдарын жақсы көремін: «Лемони Сниккет и 33 несчастья» және The Last Dance. Үздік фильмдер: «Интуиция», 2001, «Форест Гамп», «Человек, который изменил все», «Али», «Тренер Картер».
Мектептегі және студенттік жылдарымда Брэдбери, Ремарк, Хемингуэй, Фицджеральд, Мураками, Коэльоны оқығанды ұнататынмын.
2018 жылдан бастап спорт психологиясына қызыға бастадым: «Разум чемпиона», «Держи голову выше», «От лучшего к величайшему», «The Best как становятся элитными спортсменами». Мен қазір Марк Аврелийді, Николо Макиавеллиді оқып жатырмын. «Наедине с собой» кітабын оқығаннан кейін өзімнің стоицизмге жақын екенімді түсіндім.
Орталық Азиядан маған M'Dee, Abdr, Truwer, V $ X V PRiNCE және Nasia from Asia, Makvin-нің шығармашылығы ұнайды.
Неден шабыт алады
Мені қарапайым нәрселер шабыттандырады: отбасым, музыка, достар, саяхат.
Өмірдің өзі де шабыттандырады.
Стильге қатыстының бәрі шабыттандырады. Мұнда брендтер жайында айтып отырғаным жоқ, бұл талғамға қатысты дүние.
Бос уақытын қайда өткізеді
Сүйікті көшелерім мен серуендейтін жерлерім: Терренкур, Төлебаев, Қабанбай батыр көшелері, «Восьмерка», «ЦПКИО».
Демалсам, кейде үйде отыруды, кейде велосипед тебуді ұнатамын, анда-санда достарыммен жолығып тұрамын. Суретші, граффити әртісі Ғалымжанмен жиі уақыт өткіземіз. Шығармашылық тақырыбын, жаңа жобаларды талқылап, тәжірибе алмасып, пікір алмасамыз.
Алматыда мен шығармашылық адамдармен көбінесе батлдарда немесе музыкалық шараларда кездесемін.
Іс-шараларды диджейлердің лайнапына қарай таңдаймын. Кез келген кеште мен үшін музыка маңызды.
Қайдан не сатып алуға болады
Менің сүйікті киім брендтерім: Dickies, Vans және Nike. Оларды selective-секондтардан, онлайн платформалардан табуға болады. Көбінесе стильді нәрсе болса, бренд атауына қарамаймын. Сондай-ақ көбіне @sakalique-тен сауда жасаймын және Asay Jyrek, Sinichki Store дүкендерінде де киім таңдауы жақсы.
Маған CheckMat және Dojo спорт залдарында жаттығамын. Жаттығудан бұрын үнемі CoffeeTop-қа соғамын: бұл жерде дәмді кофе жасайды.
