Елордалық баскетбол клубының бастамасымен Қазақтаннан шыққан тұңғыш Олимпиада чемпионы Әлжан Жармұхамедов "Астана" балалар баскетбол академиясының тәрбиеленушілеріне шеберлік дәрісін өткізеді.
Осылайша, балаларға Олимпиаданың белгілі чемпионынан білім, тәжірибе және машық алуға мүмкіндік туып отыр. Академия тәрбиеленушілері шеберлік дәрісінен кейін Жармұхамедовпен бірге "Движение вверх" фильмінің жабық көрсетіліміне барады. Бұл фильм баскетболдан кеңестік құраманың 1972 жылғы Олимпиада ойындарындағы тарихи жеңісін баяндайды.
"Астана" баскетбол клубы Қазақстанның қазіргі чемпионы, сондай-ақ, елдің ұлттық құрамасының негізі. Елордалық клуб қазақстандық баскетболдың даму негізі болғандықтан, "Астана"балалар мен жасөспірімдер спортының сапалы әрі әржақты дамуына аса назар аударып отыр. Осылайша, бүгінде 300-ден аса бала білім алып жүр.
Дерек көзі: tengrinews.kz