Біз қазақстандық танымал TikTok-автормен кездесіп, бос уақытын қайда өткізетінін, неден шабыт алатынын; қандай музыка тыңдайтынын және қандай киім брендін таңдайтынын сұрап білдік.
Томирис Данияр, 20 жаста, қаласы — Алматы, блогер, @tomusshkaa
TikTok: @tomusshkaa
Өзім туралы
Мен TikTok-автормын. Аниме, ойындар мен телешоулардағы түрлі кейіпкерлерге косплей түсіремін. Сондай-ақ қалай боянатынымды және макияжда қандай техника қолданатынымды көрсететін видеороликтер түсіремін.
Жұмыстан кейін мен кітап оқуды және Stardew Valley сияқты видео ойындар ойнағанды ұнатамын. Кейде мен олардан бас көтермей, таңғы сағат беске таман бір-ақ ұйықтаймын.
Бос уақытымды достарыммен өткіземін. Көбіміз 2018 жылы гик фестивалінде танысқанбыз. Мен достарымды жақсы көремін және олардың менің жұмысымды қолдайтынына қуаныштымын.
Тыңдаймын, оқимын, көремін
Мен шетелдік музыканы және сөзі жоқ музыканы жақсы көремін. Барлығы классикалық музыкадан басталды. Ал кейінірек мен dubstep пен EDM-ді ұната бастадым. Қазір көбінесе фонк тыңдаймын. Көшеде серуендеп келе жатып, тап бір бейнебаянға түсіп жатқандай елестетуді ұнатамын.
Жұмыс кестесіне байланысты мен фильмдерді сирек көремін. Бірақ демалғым келсе, «Красотка», «Бестолковые», «10 причин моей ненависти» сияқты комедияларды таңдаймын. Бұдан бөлек, Одри Хепберн түскен фильмдерді жақсы көремін.
Мен көркем әдебиетті оқығанды ұнатамын. Сүйікті кітаптарым: Эрих Мария Ремарктың «Үш жолдас» романы, Колин Маккалоудың «The Thorn Birds» шығармасы, Сергей Довлатовтың «Чемодан», Антон Чеховтың барлық дерлік шығармалары.
Неден шабыт аламын
Бәрінен бұрын мені адамдар шабыттандырады: достар, әріптестерім, жазылушылар, TikTok-тағы кездейсоқ адам. Әңгімелесудегі немесе сырт келбеттегі ерекше нәрсе баурап алуы мүмкін. Міне, сол кезде шабыттанып, бейнероликке арналған идеялар ойлап таба бастаймын.
Бос уақытымды қайда өткіземін
Мен достарыммен уақытты қызықты өткізуді ұнатамын. Жаңа жыл алдында «Құпия Санта» ойнадық, үстел ойындары кешін өткіздік. Келесі кездесуге кез келген тақырып бойынша презентация дайындаймыз деп шештік.
Алматыда саябақтарды, әсіресе Президенттік саябақты жақсы көремін. Соған байланысты көптеген жылы естеліктерім бар.
Менімен гек фестивальдерде жиі кездестіруге болады. Жақында Алматыда Орталық Азиядағы ең ірі AGGE фестивалі өтті, ол жақта мен бренд-амбассадор болып, керемет эмоцияларды бастан өткердім.
