Теңгедегі жаңа депозиттер бойынша максималды сыйақы мөлшерлемелерін есептеу тәсілі
Жаңа депозиттер бойынша шекті сыйақы мөлшерлемелерін есептеу әдістемесі өзгерді.
Қыркүйектен бастап:
— Қазақстандық депозиттерге кепілдік беру қоры депозиттер бойынша шекті мөлшерлемелерді бұрынғыдай тоқсан сайын емес ай сайын жариялайтын болады
— шекті сыйақы мөлшерлемені есептеу кезінде орташа өлшемдінарықтық сыйақы мөлшерлемесіне немесе Ұлттық Банктің базалық мөлшерлемесіне сүйенеді. Бұл салым түріне және мерзіміне байланысты. Бірінші форула – инфляциядан тыс шынайы кірістілікті, ал екіншісі жоғары кірістілікті қамтамасыз етеді. Базалық мөлшерлеме бойынша шешім тоқсанына екі рет жарияланады. Ресми ақпарат nationalbank.kz сайтында қолжетімді. Орташа өлшемдінарықтық сыйақы мөлшерлемесі есептік ай бойынша жасалатын нәтижелердің негізінде ай сайын есептеледі.
Қыркүйекке арналған ұсынылатын максималды сыйақы мөлшерлемелері бар. Олар ай сайын жаңарып отырады.
Жинақ ақша салымы бойынша сыйақы мөлшерлемесі – қорғалған қаржылық құралдардың арасындағы ең жоғары мөлшерлеме. Бұл ақша салымдары ақшаны тез жинау үшін жасалған, ақша қашан қажет болатынын және оларды мезгілінен бұрын қолданбайтын салымшыларға сай келеді.
Халық санағы
2020 жылы қазан айының 1-нен 30-на дейін халық санағы өтеді. Алдын ала нәтижелері 2021 жылы жарияланады.
Комиссияны құру, санақ парақтары, әдіснама, жабдықтауды алу және кадрларды дайындау бойынша жұмыс жүргізу міндеті қойылды.
Жүргізуші куәлігін алу бойынша медкомиссиялар
Жүргізушілердің дәрігерлік тексерістері денсаулық сақтау ұйымдарында немесе тіркелген орны бойынша алғашқы медициналық-санитарлық көмек көрсететін, әрі медициналық қызметті жүргізу лицензиясына ие денсаулық сақтау ұйымдарында өткізіледі.
Комиссия құрамына терапевт, көз дәрігері, оториноларинголог, психиатр-нарколог. Медициналық ұйымның емдеу жұмысы бойынша жетекшінің орынбасары комиссия төрағасы болып тағайындалады.
Дәрігерлік тексерістің нәтижелері № 083/у үлгісіне енгізіледі.
Жеке тұлғалардың салықтық рақымшылыққа ие болуы
16 шілдеден бастап республика бойынша жеке тұлғаларға салықтық рақымшылық жасалады.
Бұл дегеніміз – жеке тұлға 2019 жылдың 1 қаңтарына дейін жиналған салықтық қарызын 31 желтоқсанға дейін өтейді, ал өсімпұлы кешіріледі.
Салықтық жүктеменің төмендеуі
Азаматтардың қарыздық жүктемесін төмендету бойынша республикалық бюджетке өзгертулер енгізілді. Екінші дәрежедегі банктерде және микроқаржылық ұйымдарда 2019 жылдың 26 маусымында көп балалалы отбасылардың, асыраушыны жоғалтқан, кішкентайынан мүгедек болып табылатын, 18 жастан асқан мүгедек балалары бар отбасылардың, мемлекеттік әлеуметтік көмек алатын, ата-ананың қамқорлығынан айырылған, жиырма жасқа жетпеген, кәмелет жасқа дейін ата-анасынан айырылған жетім балалардың қарыздары кешіріледі.
Көліктің электронды төлқұжаттары
ҚР-да көліктерге, өздігінен жүретін машинаның және техниканың басқа түрлеріне электронды төлқұжаттар рәсімделе бастады.
Дереккөзі: zakon.kz
Суреттің дереккөзі: @salamat_ayazbay
