ARO — ерекше әндерінің арқасында танымал болған қазақстандық әнші. Біз әртіспен танысып, оның шығармашылық жолы туралы сұрап-білдік.
Арман Сейтжапбар, 24 жаста, қаласы — Алматы, музыкант, @aronewwave
Бәрі қалай басталды
Мен Қызылорда облысы Шиелі ауданында жүргізуші мен есепшінің отбасында дүниеге келдім.
Кішкентай кезімде әкем домбыра тартып, ән айтатын, ал мен қасына отырып, сүйікті әндерін жаттап алатынмын. Уақыт өте келе онымен бірге ән айта бастадым. Мұны байқаған ата-анам мені бастауыш сыныпта жергілікті музыка мектебіне берді. Мен баян сыныбында оқыдым.
Шығармашылық пен шабыт туралы
Мен бір ғана жанрға тәуелді емеспін және әлі күнге дейін музыкамды нақты сипаттай алмаймын. Адамдар менің тембрімде дәстүрлі реңкті еститіндерін айтады. Мен оны рэп деп те айта алмаймын, бірақ тректерімде речитатив бар.
Балағат сөздерсіз және өтіріксіз өлең жазу ұнайды. Маған әндердің дәстүрден тыс құрылымы мен дұрыс өңделуі де ұнайды.
Мен жаңа сезімдерді сезінгенде, бұрын-соңды жеп көрмеген дәмді тағамдардан дәм татқанда, жаңа қалалар мен бұрын болмаған жерлерді көргенде, жаңа қызықты адамдармен танысқанда шабыттанамын.
Мен қызықты ойлар келсе немесе өлеңнің алғашқы жолдары туындап жатса, оларды үнемі түртіп алып жүремін. Соңында олар қажетті көңіл күйді жеткізетін қажетті әуендерін табады. Соның нәтижесінде ән туады.
Бастапқыда мен махаббат әндерін коммерциялық мақсатта жаздым. Содан кейін мен бұл жанрдан шаршап, «өзімді табу» деп аталатын саяхатты бастадым. Мен әлі де осы жолда келе жатқаныма қуаныштымын.
Шығармаларымның құрылымы бойынша 20, 21Sholy деп аталатын жыр ұнайды. Ол карантин кезіндегі қазақстандықтардың өміріндегі қиын кезең туралы баяндайды.
Концерт кезіндегі қызықты сәттердің бірі — костюмердің мені тығырыққа тірегені. Бұл проблеманы сахна артында шешуімізге тура келді. Бақытымызға орай, досымның шапаны бар екен, соны кидім, ал басыма қалпақ кидім. Нәтижесінде мен қалпақ киген мексикалықтан аумай қалдым.
Ағымдағы жұмыстары мен жоспарлары туралы
Жылдың соңына дейін мен екі сингл шығарып, тыңдармандарымның EP альбомына қызығушылығын тудырғым келеді. Альбомды келесі жылдың басына жоспарлап отырмыз.
Ақыл-кеңес
Өзіңді іздеуден танба!
