Малайзияның Малакка қаласында WKF каратэден ересектер арасындағы XIX Азия чемпионатының екінші жарыс күні 6 қазақстандық татами шебері тұғыр сатысына көтерілді.
Кумите бағдарламасында тəжірибелі Нұрқанат Әжіқанов пен Қайсар Алпысбай əнұранымызды шырқатты. Ал Мөлдір Жаңбырбай мен Гүлмира Үсенова финалда қарсыласқа есе жіберіп, күміс жүлдеге ие болды. Сондай-ақ Данияр Юлдашев пен Абылай Төлтай өз салмағында қола медаль жеңіп алды.
Қазір Қазақстан құрамасы 3 алтын, 3 күміс, 4 қола медальмен жалпы есепте 1-орында келе жатыр. Одан кейін Иран мен Йордания тұр. Азия чемпионаты ертең мəресіне жетеді.
Дереккөз: kaz.tengrinews.kz
