Сіздерге секонд-хенд дүкендерінің идеясын және Орталық Азияда бұл бағытты кімдер дамытып жатқанын бүгінгі материалда айтып береміз.
Банукин Турсунбаева, қаласы — Астана, тату-суретші, @la.vinage негізін қалаушы
Барлығы қалай басталды
Мен тату-суретшімін. Маған сапалы киім ұнайды. Күйеуім екеуміз секонд-хендта сауда жасайтынбыз, осылайша достарымыз да бұл бағытқа қызығушылық таныта бастады. Олар маған кейбір киімдерді қайта сатуымды өтінді. Жеке жобамды жасау идеясы осылай туындады. Үш жылдан бері секонд-хендпен айналысып жүрміз.
Әр бұйымды сүйіспеншілікпен таңдаймыз
Жоба жайлы
Секонд-хендтен киіну — сән әлемінің жаңа тренді ғана емес. Бір рет қолданылатын заттардан бас тарту біздің елде ғана емес, әлем бойынша танымал бола бастады.
Табиғатқа қамқорлық тек киімді ойланып сатып алудан ғана емес, сонымен қатар өнімді саналы түрде сатып алудан тұрады. Дүкеніміздің арқасында табиғатқа көмектесе алатынымыз мені қатты қуантады.
Біз өз ісімізді жақсы көреміз. Бірақ бұл біздің негізгі жұмысымыз емес, хоббиіміз. Секонд-хендтерде жылдар бойы ілулі тұрған әрбір бұйымды түрлендіріп, керемет көрініс образ жасауға болады. Біздің аудиторияны қызықтыратыны да осы.
Жоспарлары жайлы
Біз дүкенімізді хобби ретінде әрі қарай да жалғастырып жүргізе береміз.
Адалат Амреева, қаласы — Алматы, @rebelmuse_vintage негізін қалаушы
Барлығы қалай басталды
15 жасымнан бастап YouTube сайтынан Елена Шейдлинаның «Сәнді әрі арзан» сияқты бейнероликтерін тамашалайтынмын. Менің де солай ерекше киінгім келетін. Ол кезде экология тақырыбы жайлы ойланбағанмын да, тек қалай ерекшеленуге болатыны қызықтырды. Алайда екі жыл бұрын «Сәннің шынайы бағасы» фильмін көріп, ол менің киімге, сатып алуларға деген көзқарасыма қатты әсер етті.
Сол кезде мен қаладағы секонд-хендтерге бірінші рет бардым. Маған мұндай жобалар көп ақша жұмсамай, өзіңді танытуға, сапалы әрі сәнді киінуге мүмкіндік беретіні ұнайды. Маған сондай-ақ ескі дүкендердегі заттардың қандай да бір тарихы болатыны ұнайды. Мен мұны романтикалық деп санаймын.
Менің Кеңес Одағы кезінде секонд-хендтермен айналысқан бір тәтем бар. Бірде ол менен заттарын сатып беруімді өтінді. Маған бірнеше қап киім әкеліп тастады, олардың ішінен өзіме ұнағандарын таңдап алдым. Міне, Rebel Muse дүкені осылай ашылды.
Дүкеніміздің ашылғанына екі жыл болды. Бұл — негізгі қызмет түрім.
Жобасы жайлы
Қазіргі таңда Rebel Muse дүкенінен түрлі корсеттерден бастап Белла Хадидтің стиліндегі кең
балақты шалбарға дейін табуға болады. Мен сонымен қатар дақтары бар ескі киімдерді тастамай,
оларды жаңа нәрсеге айналдыруға көмектесетін кастомизация қызметтерін ұсынамын.
Бізге әртүрлі адамдар келеді: өзін танытқысы келетін және бұл үшін саналы әдістерді таңдайтын жасөспірімдер, өзінің нәзіктігін ерекшелеп көрсеткісі келетін, сапалы киім киетін қыздар мен әйелдер келеді. Олардың барлығын стиль сезімі, саналылық және бірегей болуға ұмтылу біріктіреді.
Тұрақты сән — гардеробыңызды саналы түрде қайта қарастыру, ескі киімдерді жаңасына айналдыру. Мен Қазақстанда тамаша селективті секонд-хенд дүкендерінің апсайкл брендтерінің көбейіп жатқанына қуаныштымын. Заттарды саналы қолданатын адамдардың сан күн санап арта түсуде.
Тіпті атақты адамдар да секонд-хенд дүкендеріне барады. Желіде осындай дүкендерде сауда жасаған медиа тұлғалардың фотосуреттері көп.
Жаппай нарықтағы заттардың сапасы кереметтей емес, ал секонд-хенд дүкендерінде 100% табиғи материалдардан жасалған, жақсы сақталған заттарды таба аласыз.
Жоспарлары жайлы
Тұрақты сәннің болашағы зор және елімізде осы мәдениетті дамытудың бір бөлшегі болғым келеді. Жоспарымда — дүкенімізді үлкейту, адамдарды кастомизациямен және қайта апсайклмен таныстыру.
