Темірлан Олжабай дуэттерінің қалай құрылғаны жайында айтып берді, сондай-ақ болашаққа жоспарларымен бөлісті.
Темірлан Олжабай, 25 жаста, қаласы — Астана, домбырашы, @temirlan_yernat_official
Барлығы қалай басталды
Темірлан. Мен Павлодарданмын. Бала кезімде әжеммен бірге ән шырқайтынмын, тіпті бізге қонақ келгенде ақша да табатынмын. Үшінші сыныпта музыкалық мектеп-интернатқа, ал 2015 жылы ҚазҰӨУ-ге оқуға түстім.
Ернат Жезқазғаннан. Ол кәдімгі мектепте оқыды, дегенмен музыкалық мектепте де білім алды. Тоғызыншы сыныпты бітірген соң ҚазҰӨУ колледжіне түсіп, Астанаға қоныс аударды.
Біз университетте таныстық. Сол жақтан бірлесіп сапарларға шыға бастадық, Еуропаға гастрольдермен бардық. Ректор Айман Мұсаходжаевамен бірге өнер көрсеттік.
Дуэт 2017 жылы құрылды. Ол кезде Димаш Құдайберген Қытайда өткен I Am A Singer байқауына қатысып, жетінші турда оны қолдауға бардық. Димаш Daididau әнін орындады, ал біз оны сүйемелдедік. Міне, сол сапардан соң домбырашылар дуэтін құру идеясы келді.
Сол жылы Димаш Құдайбергеннің Астанадағы «Астана Аренада» залында үлкен концерті болды. Дуэтіміздің дебюті сонда өтті, біз өзімізді ресми түрде жарияладық.
Шығармашылығы жайлы
Шығармашылық — біздің негізгі қызметіміз. Домбыра тартып жүргенімізге 19 жылдай болды.
Біз әрқашан музыканттардың аға буынына қарап бой түзейтінбіз. Бізге Асылбек Еңсепов пен «Ұлытау» тобының шығармашылығы ұнайды.
Алғашқы ұстаздарымыз — Майра Сыздыққызы мен Бибігүл Төлегенқызы. Біз дуэт құрған кезде ұстаздарымыз телефон арқылы тілдескен болатын. Мына қызықты қараңыздар, олар Алматыдағы консерваторияда оқып, жатақхананың бір бөлмесінде тұрған болып шықты.
Біз тәжірибе жасаймыз, заманауи стильде жазамыз
Байқауға көп қатыса қойған жоқпыз. Дегенмен 2018 жылы біз АҚШ-қа World Championships-ке бардық, бұл біздің алғашқы үлкен жарысымыз еді. Іс-шараның продюсері Арнольд Шварцнеггер болды. Онда біз алтын медаль алдық.
2021 жылы екі ірі байқауға қатыстық: Лондондағы Golden Time Talent в және Испаниядағы Music Box International.
Байқаулар біз үшін пайдалы, олар кәсіби өсуге, басқа музыканттармен, әртүрлі елдердің кәсіпқойларымен танысуға мүмкіндік береді. Бұл — тамаша тәжірибе.
Маған музыканың шеті мен шегі, шекарасы жоқ екендігі ұнайды. Біз тәжірибе жасаймыз, заманауи стильде жазамыз. Біз домбыраның үлкен әрі заманауи аудиториясы болғанын қалаймыз және сол бағытта жұмыс істеп жатырмыз.
Біздің композициялар Air Astana борттарында және Астана автовокзалдарында ойнап тұрады. Көрермендер Қазақстанда ғана емес, әлемде де артып келеді. Шетелде домбыраға деген қызығушылықтың зор екенін байқаймыз. Бізді шетелде өтетін түрлі шаралар мен концерттерге шақырып тұрады. 2021 жылы біз Дубайда, Белградта және Варшавада өнер көрсеттік.
Шабыт жайлы
Орындап жүрген туындыларымыздың көпшілігін өзіміз шығардық. Өмірде орын алатын сәттерден, оқиғалардан шабыт аламыз.
Қиындықтар да болып тұрады, онсыз бола ма?! Көптеген адамдар әртістер үшін бәрі оңай және жылдам деп ойлайды. Шындығында, бұл оңай жол емес. Алайда музыка және шығармашылыққа «ашыққан» кезде, тамаша музыка жасалады.
Ең алдымен біз өзімізге ұнайтын туындылар жазамыз, содан кейін оны тыңдаушыларға ұсынамыз.
