Ғылым — кез-келген елде маңызды сала. Қазақстанның ғалымдары жұмыс істейтін ғылыми зертханалар туралы ақпарат жинап қойдық.
National Laboratory Astana
Назарбаев Университетінің жанындағы жеке ғылыми мекеме 2015 жылы құрылды. Мұнда өмір туралы ғылымдар, энергетика және басқа пәндер бойынша көпсалалы іргелі және қолданбалы зерттеулер жүргізіледі. Зертханада 82 ғылыми қызметкер, ал серіктестер арасында 50-ден астам әлемдік ғылыми орталықтар мен институттар жұмыс істейді.
Spark Lab
Қазақстанның әлеуметтік маңызды мәселелерін шешуге бағытталған жобалармен жұмыс істеу үшін Алматы ЖОО студенттерін біріктіретін inDrive жобалық-білім беру зертханасы. Мұнда Challenge-Based Learning — өзекті мәселелерді шешуге негізделген оқытудың инновациялық тәсілі қолданылады. Қазіргі уақытта зертханада 52 түлек бар.
Орталық Азиядағы экологиялық зерттеулер институты
Орталық Азиядағы ең ірі экологиялық мониторинг зертханасы. Ғылыми ұйымның жұмыс бағыттары: баламалы энергетика, табиғатты пайдалану, су ресурстары, Каспий итбалығын қорғау және экология саласындағы сараптамалық қызметтердің үлкен тізімі.
Адам Генетикасы Зертханасы
«Ұлттық биотехнология орталығы» жанындағы зертхана. Оның қызметкерлері Орталық Азия халқының генетикалық әртүрлілігі мен қалыптасу тарихын зерттейді, генофондқа геногеографиялық зерттеулер жүргізеді, популяциялық-генетикалық биобанкті қалыптастырумен айналысады. Көптеген ғылыми жобалары әлемдік деңгейде өздерін көрсетуде.
UX зертханасы
Орталық Азиядағы алғашқы Astana Hub жанынан ашылған UX-зертхана. Нейрофизиологиялық талдау әдістерін қолдана отырып, өз тәжірибен бойынша зерттеулер жүргізуге мүмкіндік береді. Зертханадағы жабдықтар пайдаланушылардың дыбыстарға, сөздерге, суреттерге, бейнелерге, мәтіндерге, талғамға және белгілі бір әрекеттерді орындауға реакциясын зерттейді.
