Толық гранттар білім беру және кәсіби амбицияларды іске асыруға мүмкіндік береді. Қазақстанның жоғары оқу орындарының студенттері болашақ талапкерлер үшін өз тәжірибелерімен және ұсыныстарымен бөлісті.
Медина Абдильманова, 19 жаста, Астана қаласы, Nazarbayev University студенті
Түсу туралы
Мен Nazarbayev University-де, School of Sciences and Humanities-те екінші курста оқимын. Аспаздықты жақсы көремін.
Nazarbayev University толық грантқа беру үшін бірнеше нұсқаның бірін таңдауға мүмкіндік береді: NUET, SAT, A-level, IB Diploma, республикалық және халықаралық олимпиадалардың жүлдегерлері. IELTS, уәждемелік хат және сұхбаттасу маңызды рөл атқарады.
Университетке түсуге дайындықты мен 10 сыныптан бастадым. Мен МЭСК-ті тапсырудан басқа маған SAT және IELTS нәтижелері қажет екенін білетін едім. 12 сынып ортасында университет сайтында барлық қажетті құжаттар мен дәлелді хатты тіркеп, сауалнама толтырдым.
Nazarbayev University-ге толық грантқа түсу үшін емтиханға дайындыққа ерекше көңіл бөлу қажет. Сайтта оқуға түсу үшін ең төменгі талаптарды табуға, сондай-ақ оқуға түскен студенттердің орташа балдарын зерделеуге болады.
Ұсыныстар
Оқушыларға сынамалық тесттерді көбірек шешіп, қателіктерді мұқият талдауға кеңес беремін. Емтихандарға алдын ала тіркеліп, өтінім беру мерзімін ескеріңіз. Егер оқуға түсу бойынша сұрақтар туындаса, университеттің қабылдау комиссиясына жүгінуге немесе Telegram-топтарына кіруге болады.
Диана Бостамбаева, 20 жаста, Астана қаласы, Maqsut Narikbayev University студенті,
@cherryeclipseee
Түсу туралы
Мен Maqsut Narikbayev University «Туризм» мамандығы бойынша үшінші курста оқимын.
Менде мемлекеттік грант. Мен ҰБТ-ны 119 балға тапсырып алдым. Бұл оңай болды, өйткені мен IELTS 6.0 тапсырып, сертификатты бердім және автоматты түрде ағылшын тілін максималды балл санады. Бейіндік пәндерден басқа міндетті пәндер бар: Қазақстан тарихы, математикалық сауаттылық және оқу сауаттылығы. Бәрінен бұрын мен география мен Қазақстан тарихына дайындалдым, тестілеуден өттім, кітапханалардан оқулықтар алдым, мұғалімдермен қосымша дайындалдым.
Менің университетімде де көптеген мамандықтарға ішкі гранттар бар. Оларды конкурстық іріктеу арқылы алады.
Ұсыныстар
Емтиханға дайындықты созбаңыз, жаңалықтарды қадағалаңыз, мұғалімдер мен қазіргі студенттерден көмек сұраңыз. Денсаулығыңызды сақтаңыз, қателіктерге сабырлы қараңыз.
Алуа Кунанбаева, 19 жаста, Алматы қаласы, Әл-Фараби атындағы ҚазҰУ студенті
Түсу туралы
Мен студентпін. Сондай-ақ химия бойынша репетитор болып жұмыс істеймін және молекулярлық биология зертханасында тәжірибе аламын. «Биотехнология және биология» мамандығы бойынша үшінші курста оқимын. Әл-Фараби атындағы ҚазҰУ-да генетика мен молекулалық биологияны зерттеймін.
Менің мамандығыма гранттар үлкен көлемде бөлінеді, ал төменгі шегі төмен.
ҰБТ тапсырғанда емтихан тапсыру форматы өзгерді. Сондықтан дайындық кезінде үлкен күйзеліс болды. Мен қыркүйектің басынан бері дайындалып келемін. Бірақ бәрі де сіздің пәндерді білу деңгейіңізге байланысты деп ойлаймын.
Ұсыныстар
Емтиханға дайындалу уақытын бөле білу маңызды.
Қайталауға уақыт бөліңіз, ал сізге түсініксіз сәттерді бірден анықтаңыз. Емтиханға ең жақсы дайындық — кітаптар. Интернет — ең жақсы және сенімді дереккөз емес. Кітапта жауап іздегенде, материалды ұзақ уақыт есте сақтауға әсер ететін күш жұмсайсыз.
Сапалы демалуды ұмытпаңыз. Емтиханға дайындық сіздің күнделікті дағдыларыңыздың бір бөлігі ғана болуы тиіс.
Бекзат Қозы-Көрпеш, 20 жаста, Алматы қаласы, SDU University студенті, @bekzat_designer
Түсу туралы
Мен SDU University-де «Менеджмент» мамандығы бойынша үшінші курста оқимын. Мен университетте студенттік үкіметтің президентімін.
Қазақстанда толық грантқа түсу үшін ҰБТ-дан қалаған мамандыққа шекті балл жинау керек. 2021 жылы «Менеджмент» мамандығына табалдырық баллы120 балл болды.
Мен Қарағанды қаласындағы Назарбаев Зияткерлік мектебін бітірдім, онда бір жыл бойы МЭСК және IELTS емтихандарына дайындалдым. Бұл емтихандардың нәтижелерін кейіннен ҰБТ-ға ауыстырдым, ал IELTS-ті ағылшын тілін білуімнің дәлелі ретінде пайдаландым.
ҰБТ-да 134 балл жинадым, бұл грантқа бірден түсуге мүмкіндік берді. Оқуға түскенде ағылшын тілін бірден жауып тастады, себебі IELTS нәтижесі менде 7.0 балл болды. Сондай-ақ осының арқасында мен АҚШ-та семестр өткіздім.
Ұсыныстар
Оқуға түсуге және тиісті емтихандарға мүмкіндігінше ертерек дайындалыңыз. Университеттер ұсынатын бағдарламалар мен мүмкіндіктерді зерттеңіз.
Егер сіз мемлекеттік грант арқылы түспеген болсаңыз, үмітіңізді үзбеңіз және нұсқаларды іздеңіз. Мысалы, компаниялардың жеке гранттары бар.
ҰБТ-ға дайындық — бұл спорт залындағы жаттығу сияқты процесс. Жоспар мен мақсатсыз алысқа кете алмайсың. Сондықтан сіз қандай балды көздейтініңізді түсініп, осы мақсатқа қол жеткізе алатын жоспар құрған жөн. Сізді ешкім мазаламайтын уақытты бөліп, сынамалар мен тапсырмаларды шешуде пәндерге мақсатты түрде дайындалыңыз. Мұғалімдер — ҰБТ-ға дайындалу кезінде сіздің ең жақсы достарыңыз. Олардан қосымша тапсырмалар мен емтихан сынамаларын сұраңыз.
