Павел Прилучный, @bugevuge
Ресейлік театр және кино актері Шымкентте туды. Новосібірде тұрды, кейін Мәскеуге көшті. Павель «Мажор», «Закрытая школа», «Темный мир: Равновесие», «Рубеж» фильмдеріне түскен.
Самал Еслямова, @samal_yeslyamova
Фотоның дерек көзі: liter.kz
Актриса Самал Еслямова Петропавл қаласында дүниеге келді. Мәскеудегі ГИТИС-ті бітірді. 2018 жылы Канн кинофестивалінде «Айка» фильмінде ойнағаны үшін «Ең үздік әйел рөлін» алды.
Антон Пампушный, @anton_pampushnyy
Рессейлік актер Астанада туды. Қазір Мәскеуде жұмыс істейді. «Защитники», «Экипаж», «Казаки», «Невская битва» «Бедная LIZ», «На солнечной стороне улицы», «Пандора», «Я дождусь» фильмдерінде ойнаған. «Ноев ковчег» халықаралық кинофестивалінің лауреаты.
Мария Ивакова, @maria_ivakova
Тележүргізуші, актриса және модель Теміртау қаласында туды. Оның отбасы түрлі қалаларға көшіп қонып жүрді, кейін олар Санкт-Петербург қаласына тұрақтады. Мария Ивакова «Орел және решка. Шопинг» және «Утро Пятницы» жобасының тележүргізушісі ретінде танымал. Сондай-ақ «Привычка расставаться», «8 новых свиданий», «8 лучших свиданий» фильмдерінде ойнады.
Елена Ксенофонтова, @elena_ksenofontova_official
Рессейлік театр және кино актері, Рессейдің еңбек сіңірген әртісі Хромтау қаласында туған. «Курсанты» фильміндегі рөлі үлкен танымалдылық әкелді. Одан кейін «Кухня» және «Отель «Элеон» сериалдарында отельдің басшысы рөлінде ойнады.
Александр Устюгов, @ekibastooz
Рессейлік театр және кино актері, режиссер және музыкант Екібастұзда дүниеге келді. Мәскеудегі Жоғары театр училищесінде оқыды. «Ментовские войны», «Двадцать восемь панфиловцев», «Викинг», «Золотая Орда», «Годунов», «Лучше, чем люди», «Союз спасения» фильмдеріндегі рөлдері арқылы танылды.
2015 жылы Ekibastuz атты музыкалық топ құрды.
Александр Молочко, @aleks_milka
Драма театр және кино әртісі, тележүргізуші Астанада дүниеге келді. Мәскеудегі ГИТИС-те актерлік шеберлік курсында оқыды. «Зойкина квартира» қойылымында ойнады. «Магаззино» шоуындағы жүргізуші ретінде танылды.
