Қазақстанның көркем және деректі киносы әлемдік аренада көрнекті орын алады. Егер осы саланың бір бөлігі болғыңыз келсе, оны оқып-үйренуге болатын оқу орындары туралы шолуымызды оқыңыздар.
«Медиа және Кино» мектебі, Almaty Management University
2021 жылдың сәуір айында Шәкен Айманов атындағы «Қазақфильммен» серіктестікте құрылған Almaty Management University-дің бөлімшесі. Мектепте ұсынылатын білім беру бағдарламаларының бірі — Digital Filmmaking. Мұнда заманауи кино түсіру процесінің кезеңдері туралы айтылады. Сондай-ақ оқиғалар айтып, сценарий жазуды, түсіру процесін ұйымдастыруды, видео түсіруді және монтаждауды үйренеді.
Бірінші курстан кейін студенттер үш мамандықтың бірін таңдай алады: «Режиссура», «Продюсерлік» немесе «Сценарий шеберлігі».
«Кино және ТВ» факультеті, Темірбек Жүргенов атындағы Қазақ ұлттық өнер академиясы
Кинематография факультеті өз жұмысын 1993 жылы бастаған болатын. Оның негізін салушылар және алғашқы ұстаздары атақты қазақ кинорежиссерлері: Әмен Хайдаров, Талғат Теменов, Виктор Пусурманов және т.б.
Бүгінгі таңда «Экран өнерінің режиссурасы» кафедрасында «Режиссура теориясы», «Монтаж теориясы», «Телевизия режиссурасы», «Деректі фильм» және т.б. пәндер оқытылады.
«Кино өнері және телевизия» факультеті, Қазақ ұлттық өнер университеті
Факультет «Көркем фильмдерге режиссерлік ету», «Көркем емес фильмдерге режиссерлік ету», «Телевизияға режиссерлік ету», «Анимациялық фильмдерге режиссерлік ету», «Режиссерлік ету, кино және телевизия продюсерлігі», «Дыбыстық режиссерлік» және «Операторлық өнер» мамандықтарына қабылдайды.
Факультет базасында бірнеше киноклуб жұмыс істейді және жыл сайын «Томирис» халықаралық студенттік кинофестивалі өткізіледі.
Turan Film Academy жоғары мектебі, Turan University
Turan Film Academy — «Цифрлық технологиялар және өнер» факультетінің бір бөлігі. Оның білім беру бағдарламаларына: «Кино және ТВ-ны продюсерлеу», «Режиссура», «Операторлық өнер».
Мұнда кино өндірісі, студенттік кинопродакшндер үшін арнайы құрал-жабдықтар орнатылған кино және фотопавильон бар, сондай-ақ жастар фестивальдері өтіп тұрады.
Киномектеп 2016 жылдан бері мамандар дайындап келеді. «Қазақфильм» және продюсерлік орталықтармен ынтымақтасады. Оқыту бағыттары: «Сценарий шеберлігі», «Монтаж режиссері» және «Кино режиссері».
Курстардың ұзақтығы шамамен үш ай. Аптасына екі сабақ өтеді.
