Қазақстанның құрметті консулы Hugh Hallman біздің басылымға берген сұхбатында қос диплом бағдарламаларын құру неден басталғанын, Қазақстанның әлемдік білім беру саласындағы ықпалын арттыруға не мүмкіндік беретінін және тағы қандай жобалар жоспарланғанын бөлісті.
Hugh Hallman, 62 жас, Феникс қаласы, ҚР Құрметті Консулы
Өзі және Қазақстандағы жұмысы туралы
1993 жылдың ақпан айынан бастап Қазақстанда жұмыс істеу құрметіне ие болдым. Ел ішінде көп саяхаттап, көптеген керемет адамдармен кездесу мүмкіндігі болды.
Менің негізгі мамандығым — заңгер және экономист. Білім беру саласына деген құштарлығым әрқашан болды. Мен бастауыш және орта мектептерді, сондай-ақ университеттерді құруға және негізін қалауға қатыстым. Қазақстандағы жұмысымның негізгі мақсаты — жоғары білім беру бағдарламаларын дамыту болды.
1993 жылдың жазында біз студенттер алмасу бағдарламаларын бастай отырып, кейіннен құқық, экономика, қаржы және этика салаларында білім беретін колледж құрдық. Бұл колледж тәуелсіз университетке айналды. Мен көптеген жылдар бойы сабақ берген Қазақстан-Америка еркін университетіне айналды.
Сонымен қатар, Қазақстан-Америка еркін университетінің алғашқы ректоры және алғашқы білім беру министрі болған Ережеп Әлқайырұлы Мәмбетқазиевпен бірге кітаптар жаздым. Бұл қызмет Қазақстан мен АҚШ арасындағы сауда байланыстарын кеңейтуге бағытталған еді. Сондай-ақ, мен қазақстандық студенттерге білім беру мүмкіндіктерін кеңейту жұмысын жалғастырдым. Бұл қазақстандық университеттер мен батыс университеттері арасындағы қосымша қарым-қатынастарды дамытуды қамтыды.
2019 жылдан бастап Білім және ғылым министрлігімен, қазіргі Ғылым және жоғары білім министрлігімен серіктесе отырып, біз қос дипломды бағдарламалар мен қазақстандық университеттерге арналған білім беру реформаларын дамыту жобаларымен жұмыс істеп келеміз. Бұл күш-жігер Манаш Қозыбаев атындағы Солтүстік Қазақстан университеті мен Аризона университеті арасында АҚШ-тың қатысуымен алғашқы қос дипломды бағдарламаны іске қосуға әкелді. Қазіргі Ғылым және жоғары білім министрі Саясат Нұрбек пен оның командасы бұл күш-жігерді одан әрі күшейтті. Бұл басқа елдерде теңдесі жоқ 16 халықаралық университеттік серіктестіктің құрылуына алып келді. Олардың саны министрлік пен университеттер оқу бағдарламаларын дамытқан сайын өсе береді.
Қазіргі білім беру туралы
Біз серіктес болған қазақстандық университеттер жоғары білім беру саласының алдыңғы қатарлы мекемелерінің қатарына кіретінін қазірде дәлелдеп отыр. Олар қазақстандық студенттерге халықаралық білім беру мүмкіндіктерін ұсынып, ресурстарды сақтап, Қазақстанда білім алуға мүмкіндік береді.
Сонымен қатар, жаңа бағдарламалар қазақстандық университеттерге білім беру сапасын арттыруға, оқу курстарын кеңейтуге және жетілдіруге көмектеседі. Жобалармен бірге жүретін әкімшілік және академиялық реформалар жоғары сапалы білімге қол жеткізуге болатынын нақты көрсетеді. Көптеген қазақстандық университеттер қазірдің өзінде аймақтық және халықаралық академиялық рейтингтерде жоғары бағаланып жатыр.
Алдағы уақытта біздің бірлескен жұмысымыз қазақстандық университеттердің әлемдегі ең үздік университеттер қатарына кіруіне мүмкіндік береді деп сенемін. Бұл бірлескен күш-жігер Қазақстанның білім беру саласын әлемдік аренада ілгерілетіп, студенттерді елдің әр аймағынан және шетелден Қазақстанда білім алуға тартылуына мүмкіндік берді. Біз қол жеткізіп жатқан нәтижелер Қазақстанның әлемдік білім беру саласына ықпалын арттыруға мүмкіндік береді.
Болашақ білім беру туралы
Мен білім берудің болашағына алаңдаймын, өйткені онлайн курстардың үрдістері барлық жерде байқалады. Мұндай форматтар көптеген курстар үшін пайдалы болғанымен, әдетте білім берудің ең маңызды элементтерінің бірі — студенттер мен оқытушылар арасындағы тікелей қарым-қатынас арқылы студенттердің ынтасын жоғарылату әлсірейді. Студенттерге сыни ойлау қабілетін дамытуға көмектесу — аудиториялық оқыту арқылы қол жеткізілетін ең жоғары нәтиже, бұл әдетте онлайн ортада әлсірейді. Студенттерге фактілер мен ақпаратты интернет арқылы оңай үйренуге болады, бірақ икемді дағдылар мен сыни ойлауды дамытуға сыныптағы тәжірибелі оқытушылар мен профессорлар көмектеседі. Егер біз алдымен студенттерге дұрыс сұрақтар қоюды үйретсек, олар мәселені шешу дағдыларын дамытады және біз бетпе-бет келетін күрделі мәселелердің жаңа шешімдерін таба алады.
Жоспарлар туралы
Менің соңғы күш-жігерім Қазақстанның ауыл шаруашылығын жақсартуға бағытталған. Атап айтқанда университеттік зерттеушілермен бірлесе жұмыс істеп, дақылдарды өсіру, ет және сүт өндіруге қолдану арқылы ғылыми нәтежиелерді қолдану. Бұл мүмкіндік Қазақстанды жетекші аграрлық елдер қатарына қосуға септігін тигізеді. Қазақстанда осы күш-жігерді қолдауға жеткілікті егістік жерлер, табиғи ресурстар және білікті мамандар бар, бұл экономикалық әсерге ие болатын толықтай тұрақты саланы қамтамасыз етеді.
