Соңғы жылдары көптеген iрi халықаралық компаниялар өңiрлiк даму мүмкiндiктерiне қызығушылық бiлдiре отырып, Қазақстан нарығына кiрдi. Олардың қатысуы экономиканың дамуына және бизнес байланыстардың нығаюына ықпал етеді. Енді біздің өңірде қандай брендтерді табуға болатынын айтып береміз.
Krispy Kreme, @krispykreme.kz
Krispy Kreme ― пончик өндіретін американдық компания және кофехана желісі. Биыл Алматыда да іске қосылды.
«Подружка», @podrygkashop
Ресейлік «Подружка» желісі косметика, парфюмерия, өзін-өзі күту және тұрмыстық химия түрлерін ұсынады. Қазақстанда бренд осы жылдың күзінде ашылды.
«Лэтуаль», @letoile_official.kz
Ресейлік «Лэтуаль» парфюмерия және косметика желісі 2023 жылдың қыркүйегінде Қазақстандағы алғашқы дүкенін ашты. Алматы, Астана және Қарағандыда жұмыс істейді.
ZEEKR
ZEEKR электромобильдерінің әлемдік бренді ресми түрде Қазақстан нарығына шықты. ҚР аумағында ZEEKR маркалы премиум санатты интеллектуалды электромобильдерді сату және қызмет көрсету құқығын Orbis Auto автомобиль тобы алды.
Omoda, @omoda_kz
29 тамызда Алматыда Omoda қытай брендінің дилерлік орталығы ашылды.
GAC Motor
Қараша айында Алматыда GAC GS8 кроссоверінің флагмандық моделінің тұсаукесері және Алматыда GAC Motor алғашқы дилерлік орталығының салтанатты ашылуы өтті.
