Қазақстан киноиндустриясы 2025 жылы көрермендерге әртүрлі жанрдағы жаңа фильмдерді ұсынуға дайындалуда. Төменде шығуы жоспарланған топ 10 үздік фильмнің тізімі мен олардың қысқаша сипаттамасы берілген.
«Капитан Байтасов»
Бұл фильм 2011 жылы Тараз қаласындағы теракт кезінде ерлікпен қаза тапқан полиция капитаны Ғазиз Байтасовтың батырлығына арналған. Оқиға желісі оның отбасылық өмірі мен қызметтегі ерлік істерін қамтиды. Фильмнің сценарийін Арманжан Әбдібеков жазған.
«Рэкетир 3»
«Рэкитир» фильмінің үшінші бөлімінде басты кейіпкердің қылмыстық әлемнен шығу жолындағы күресі мен жаңа өмірге бейімделуі суреттеледі. Қоғамдағы өзекті мәселелерді қозғайтын бұл драма көрермендерді терең ойға жетелейді.
«Кімге керексің?»
Асхат ұзақ уақыт бойдақ өмір сүрген еді, ал үйленгеннен кейін небәрі үш айдан соң ажырасып кетті. Бір күні бұрынғы әйелі Гүлжан заттарының бір бөлігін алуға келгенде, Асхат оның қайта тұрмысқа шығуға дайындалып жүргенін біледі. Араларында жанжал туындайды, сол кезде Гүлжан Асхатқа оның барлық кемшіліктерін бетіне басып, ешбір әйел оған күйеуге шықпайтынын айтып салады. Намыстанған Асхат өзінде де сүйікті қызы бар екенін, оның бұрынғы әйелінен әлдеқайда жақсы екенін өтірік айтып, тойға сол қызбен бірге келетінін мәлімдейді.
«Онда біреуден туып ал»
Фильмнің басты кейіпкері — Салтанат — білімді, табысты, тәуелсіз және жалғызбасты. 38 жасқа толған туған күнінде Салтанат бұл жалғыздықты өзгертуге бел буады. Жігіт іздеу ұзақ уақытты талап етеді әрі ешқандай кепілдік бермейді, ал бала болса, жалғыздық мәселесін шешуі мүмкін. Оның үстіне құрбысы жаңа технологиялар арқылы бала сүюді ұсынады, ал анасы мен әжесі «өзің үшін бір бала тауып ал» деп ашық айтады.
«Молда»
Өте қатыгез адам бастығының тапсырмасын орындамай, сатқын атанып, оны өлтіруге ТМД бандиттері бірікті. Енді ол өз өмірін сақтап қалу үшін мешітке тығылады. Фильм дәстүрлі құндылықтар мен қазіргі заманның өзара байланысын көрсетеді.
«Fake-овый арман»
«Fake-овый арман» — қазақтың ұлттық «Көкпар» ойынын жақсы көретін ағайынды екі жігіт Құрмаш пен Баханың өмірі туралы. Ағайындылардың кішісі Құрмаш курьер болып жұмыс істейді. Ағасы Баха — ауылда тұрады, жылқы ұстап, саумал сатумен айналысады.
Ағайынды екі жігіттің өз өмірі, махаббаты мен армандары, оған жететін өзіндік жолдары бар. Бірақ олар сол армандарына жете ала ма, әлде шынайы құндылықтар арзандаған әлемде армандары фейк болып қала ма?
«Болмаған балалық шақ»
Әкесінің қайтыс болғанынан кейін Ақбереннің отбасы үмітсіз жағдайға тап болады. Анасы отбасыны құтқаруға тырысып, Қалан есімді адамға тұрмысқа шығады. Бірақ Қалан — оның еркін басып, бүкіл өмірін өзіне бағындырған қатыгез адам. Бұл таңғажайып оқиғада драма мен сиқырлық өріліп, сыртқы жаумен күрес өз-өзін тануға апаратын жолға айналады. Ерлік, махаббат және табандылық — қорқыныш пен өшпенділіктен мықты бола ала ма?
«Арлан. Решающий раунд»
Спорттық драмада боксшы Арланның кәсіби мансабындағы шешуші шайқасы мен жеке өміріндегі қиындықтары баяндалады. Фильм ерік-жігер мен табандылықтың маңыздылығын көрсетеді.
«Жеті гүл»
Жетінші баласын күтіп отырған алты қыздың анасы Жұлдыз ұлды армандаған жарының көңілін қалдырудан қорқады. Жетінші қыз туылғаннан кейін ол шарасыз қадамға барады: ол жаңа туған баласын көршісінің баласына жасырын түрде ауыстырады.
«Мәди in China»
Қытайдан келген жас оралман Мәди ұлттық университеттің шақыртуымен беделді ғылыми байқауға қатысу үшін Қазақстанға келеді. Алайда, оралмандарға алдын ала теріс көзқарастағы жергілікті студенттер оның мақсатына жетуіне кедергі келтіреді. Осы кезде әкесі Мәдиден жоғалып кеткен туысын табуды өтінеді, бірақ ол адамның бұрынғы қылмыскер екені белгілі болады. Мәди амбициясы мен отбасылық міндеттері арасында екіұдай болып, бір-біріне қарама-қайшы екі әлемде өз жолын табуға тырысады.
