Айдай Акматалиева АҚШ-қа 2012 жылы, 18 жасында көшіп келген. Жүріп өткен жолы мен мамандығын өзгертіп, Microsoft-қа қалай орналасқаны туралы бізбен бөлісті.
Айдай Ақматалиева, Сиэтл қаласы, Microsoft әзірлеу жөніндегі инженер және Seytech кодтау мектебінің негізін қалаушы, linkedin
Қоныс аудару туралы
Мен американдық арманымды қуып 2012 жылы Сан-Францискоға келдім.
Мен қазір Сиэтлде, Вашингтонда тұрамын. Мен Microsoft корпорациясында Windows операциялық жүйесін әзірлеу жөніндегі инженер болып жұмыс істеймін. Мен сондай-ақ Seytech кодтау мектебінің тең құрылтайшысымын, онда біз кодтау тілдерін үйретеміз және үздік компаниялар мен стартаптарда жұмысқа орналасуға көмектесеміз.
Бейімделу және уақытша қиындықтар туралы
Келген бойда менде мәдени шок болды. Мен 18 жаста едім және Америкадағы ең либералды қаланы таңдадым. Мәдениетіне қызыға бастадым, тарихын зерттей бастадым, сонымен қатар әртүрлі ой-пікірлері мен көзқарастары бар адамдармен жақынырақ таныса бастадым.
Адамдар барлық жерде күлімдеп тұратын. Мені де айналаның тазалығы таң қалдырды. Сыпайы, мейірімді қызмет көрсету. Ал ең бастысы — байырғы халық. Америкалықтармен кез келген нәрсе туралы оңай әңгіме бастауға болады. Олар әрқашан көмектесуге дайын ашық және жылы жүзді адамдар.
Сіз әрқашан жұмыста, қозғалыста және кез келген жағдайға тез бейімделуге дайын болуыңыз керек
АҚШ — көп ұлтты ел, онда түрлі мәдениетті халықтар өмір сүреді. Сондықтан, қоныс аудару кезінде ағылшын тілін және жергілікті заңдарды үйрену керек. Қаншалықты тез бейімделу сіздің табысқа жетуіңізді анықтайды. Сіз әрқашан жұмыста, қозғалыста және кез келген жағдайға тез бейімделуге дайын болуыңыз керек. Кең көзқарас пен growth mindset болу керек.
Даму және мансап туралы
Мен Сан-Францискоға келіп, колледжге түстім. Оқуымның ақысын төлеу үшін бірнеше жұмыста жұмыс істедім.
Бастапқыда жұмыс табу қиынға соқты, сұхбат алу тәжірибем болмағандықтан behavioral questions дайын болмадым. Сұхбаттан сәтті өту үшін әлеуметтік дағдыларды меңгеру, эмоцияларыңызды түсіну және бақылау және эмпатия көрсету маңызды. Өзін көрсете білу де бағаланады.
Мен екі жыл IT компанияда есепші болып жұмыс істедім. Осы уақыт ішінде мен IT саласында қандай перспективалар бар екенін түсіндім. Мамандығымды өзгертіп, өзімді осы бағытта сынап көрейін деп шештім.
IT — шығармашылық жұмыс. Түрлі мәселелермен бетпе-бет келгенде, оны бағдарламалау тілі арқылы білдіре отырып, стандартты емес және шығармашылық шешімдерді іздеу қажет.
Мамандығымды өзгерту туралы шешім қабылдағанда мен 22 жаста едім. Жолдасым екеуміз негізін қалаған Seytech мектебіміздің алғашқы түлектерінің бірімін. Оның қолдауы мен сенімінің арқасында мен бағдарламашы болдым.
Біздің мақсатымыз — Орталық Азиялықтарға жоғары сұранысқа ие жұмыс табуға көмектесу
Біздің мақсатымыз — Орталық Азиялықтарға жоғары сұранысқа ие жұмыс табуға көмектесу. Өз мысалымда мен мамандықты ауыстыру ешқашан кеш емес екенін түсіндім. Ең бастысы, ниет пен тәлімгерлік керек. Түлектеріміздің жетістіктерге жетіп жатқанын күнде көріп жүрміз. Отандастарымыз IT-компаниялар мен стартаптарда неғұрлым көп болса, еліміз соғұрлым тез дамиды деп ойлаймыз.
