Қазақстандық Айя Дарбаева әлемдегі ең ірі мегаполистердің бірі Лондонда жұмыс істеп, өмір сүру тәжірибесі туралы айтып берді.
Айя Дарбаева, 24 года, қаласы — Лондон, Bloomberg-те бағдарламашы, @yegnb
Қоныс аударуы туралы
Мен Шымкентте туып-өскенмін. Назарбаев Университетін компьютерлік ғылымдар мамандығы бойынша бакалавр дәрежесін алдым.
2022 жылдың күзінде күйеуіммен бірге Лондонға қоныс аудардым. Оған дейін бір жыл бұрын ол Meta-да фронтенд-әзірлеуші ретінде табысты тағылымдамадан өткен болатын. Маған да осы компаниядан жұмыс ұсынылды, алайда жеке жағдайларыма байланысты жұмысты бір жылдай кейінге қалдыруды шештім.
Қазір бағдарламашы болып жұмыс істеймін және Лондонда тұрамын.
Жаңа өмірге бейімделуі және қиындықтар туралы
Ұлыбританияда қиындықтар басқа елдердегідей. Сізге мәдени айырмашылықтардан бастап, жұмыс визасына толық тәуелділікке дейін бейімделу керек.
Мұнда пәтерді жалға алу қиынырақ, өйткені жалға берушілер бұрынғы иелерінен референс, жұмыс орнынан анықтама, басқа да растайтын құжаттарды сұрайды және түрлі себептермен пәтерді бермеуі де мүмкін.
Ал жұмыс визасына келетін болсақ, ол жұмыс берушіге байланысты. Сондықтан жұмыс орнын ауыстырғанда немесе шыққанда, аз уақыт ішінде визаға демеушілік жасауға дайын жаңа жұмыс берушіні табу керек.
Қазіргі таңда пәтерлерді жалға алу мен коммуналдық қызметтер бағасының күрт өсуін де қиындықтарға жатқызуға болады.
Бейімделуге байланысты қиындықтарға қарамастан, Ұлыбританиядағы өмір иммигранттарға даму үшін үлкен мүмкіндіктер ұсынады.
Мұнда кез келген ұйымға қоңырау шалып, шынымен мәселеңізді шеше аласыз. Адамдар шын жүректен көмектескісі келеді және өз жұмысын адал атқарады. Маған адамдардың ұстамдылығы және агрессияны азырақ көрсететіні ұнайды.
Лондонның қоғамдық көлік жүйесі де ұнайды. Қала жаяу жүруге де ыңғайлы. Жаяу жүргіншілер жолының кеңдігі, көптеген саябақтардың болуы жаяу серуендеуге өте ыңғайлы.
Жаңа елде таныстар мен достар табу, жергілікті қоғамдастыққа ену маңызды. Алдын ала белсенділік таныта аласыз, мысалы, Telegram, Facebook-тағы топтарға қосылыңыз. Одан да жақсысы, тіл мен мәдени ортаға ену үшін жергілікті достар табыңыз.
Күнделікті өмірде ақша үнемдеудің түрлі тәсілін мүмкіндігінше ертерек зерттеңіз. Супермаркеттерден ең жақсы жол жүру карталарын, жеңілдік карталарын табыңыз. Лондон сияқты қымбат қалаларда бұл көп нәрсені үнемдейді.
Лондонда қалай жұмыс іздеуге болады
Менің Meta-ға келер жолым қиындықтардан басталды. Жұмысқа тұрғаныма 10 күн өтер-өтпес Tech Industry-дың басқа компаниялары сияқты, Meta да қысқартулар болатынын жариялады. Көшуге дайындалған бір жылға жуық уақыттан кейін бұл жаңалық тура төбемнен біреу суық су құйып жібергендей әсер етті.
Бірақ АҚШ-тан айырмашылығы, Ұлыбританияда заң бойынша корпорациялар ұжымдық кеңессіз көп қызметкерді жұмыстан шығара алмайды. Бұл маған Meta қызметкері бола отырып, барлық ықтимал нұсқалар қарастыруға және бағалауға қосымша екі ай уақыт берді. Осы уақыттың бәрінде мен фронтенд-әзірлеуші ретінде қосылатын команданы іздедім.
Жағдай мәз болмаса да, өзімді тез қолға алдым. CV-ді жаңартып, сұхбатқа дайындала бастадым. Сонымен қатар күн сайын түрлі компанияларға хабарласып жүрдім, сұхбатқа алғашқы шақырулар алдым, тест тапсырмаларын орындадым және кей компаниялар бас тартты.
Рождество алдында және Жаңа жылға жақын уақыт — жұмыс іздеуге ең қолайсыз уақыт. Бірақ мен алған бетімнен қайтпадым, сөйтіп үш компаниядан шақырту алдым. Олардың бірі тіпті жақсы болып шықты: енді мен Bloomberg-темін.
Табандылық және нақты қайда жұмыс істегіңіз келетінін түсіну маңызды.
Сандардағы бүкіл оқиға былай көрінеді: төрт ай, 50 компания, 30 сұхбат, үш ұсыныс, 100 500 жүйке жасушалары.
Жұмысқа тұру үшін жоспардың болуы маңызды. Дайындық бэкграундыңызға байланысты алты ай немесе бір жыл бұрын басталады. Сондықтан табандылық және нақты қайда жұмыс істегіңіз келетінін түсіну маңызды.
Бағдарламашылар үшін алгоритмдік есептерді шешу дағдылары, ағылшын тілі, CV-ге арналған жобалардың болуы және System Design-дағы негізгі білім маңызды.
Қоныс аудару қалай әсер етті
Қоныс аудару жоспарларымды қайта қарауға мәжбүр етті. IT саласындағы соңғы жағдайларды ескере отырып, не болып жатқанына қарамастан, икемді болуыңыз керек. Ең бастысы, нарықта құнды кадр болып қалу үшін дағдыларыңыз бен білімдеріңізді үнемі инвестициялау, трендтерге бейімделу қажет.
