Рустем Акишбеков, 28 жаста, туған жері – Алматы, CEO & Founder Robo Wunderkind
Барлығы 2013 жылы басталды, мен Вена Техникалық Университетінде оқып жүріп, түрлі роботтар мен гаджеттерді ойлап таба бастадым. Маған электроника, микроконтроллер және сенсорлармен жұмыс істеген ұнайды. Бірде, мен технология әлемі тек маған ғана емес, достарыма да қызықты екенін байқадым. Мен кез-келген адам, тіпті бала роботты жинап бағдарламалай алатындай электроника жиынтығын құруға бел будым.
Сол жылы менің әріптестерім Юрий Левин мен Анна Веронская маған қосылды, әлі күнге дейін олармен бірге жұмыс істейміз. Біздің алғашқы инвестициямыз 10 000 АҚШ доллары болды, сосын біз Кеңес Ракишевтің «Өз бизнесіңізді құрыңыз» конкурсын жеңіп алдық.
Байқауды жеңіп алғаннан кейін, бүкіл Қазақстаннан біздің өнімімізді сатып алуға дайын адамдардан көптеген хаттар келе бастады. Сол кезде бірнеше ондаған жиынтықты саттық.
Біз бұнын адамдарға қажет болғандықтан, осыдан шын мәнінде пайдалы нәрсе жасау мүмкін екенін түсіндік. Бірақ содан кейін мұны үлкен көлемде қалай жасауға болатыны туралы тағы бір сұрақ туындады, өйткені оған қаражат қажет болды. 2014 жылы бізге SOSVentures американдық венчурлық қорынан хабарласып, 50 000 АҚШ доллары көлемінде инвестиция салуға және қалай өндіруге болатыны туралы көбірек білу үшін Қытайға көшуге ұсыныс жасады.
Біз шамамен алты ай бойы Қытайда тұрдық. Онда біз өнімнің концепциясын толығымен өзгертіп, оны балалар үшін тартымды әрі жағымды етіп жасадық. Сол жылы біз Венаға оралып, 2014 жылғы Robotics Project of the year атағын алдық. 2015 жылы Венада және Австрияда «Жылдың ашылуы» атағын алды.
2015 жылдың қыркүйек айында біз Сан-Францискода краудфандинг-компаниясын іске қостық , нәтижесінде 58 елден 1200 алдын-ала тапсырыс келіп, 5 апта ішінде ғана 250 000 доллар жинадық.
Біз балаларды біздің техника бойынша робототехника мен бағдарламалауға үйретеміз. Robo Wunderkind — ойыншық түріндегі оқу құралы.
Бізден тапсырыс бергендердің әрқайсысына модульдермен және әртүрлі жобаларды қалай жинау нұсқаулығы қорапта жіберіледі.
Роботты нұсқаулықты қолданып жинағаннан кейін смартфонға Wi-Fi немесе Bluetooth арқылы қосылу керек. Содан кейін RoboPlayApp немесе Robo Programming App бағдарламаларының бірін жүктеңіз. Бірінші бағдарлама роботпен ойнауға мүмкіндік береді, оның функционалдығы шектеулі. Екіншісі сіздің балаңызды бағдарламалауға үйретеді. Бұл бағдарламамен роботты кез келген әрекеттерге бағдарламалауға болады. Жиынтықта жақындығы, қозғалысы, температура датчигі, кіріктірілген камера, микрофон және динамиктер бар модульдер бар.
Қайда сатып алуға болады және қанша тұрады
Бізде үш жиынтық бар:
1. Robo Wunderkind Starter Kit - 9 модуль үшін$ 199
2. Robo Wunderkind Advanced Kit - 15 модуль үшін $ 349
3. Robo Wunderkind Professional Kit - 25 модуль үшін $ 799
Сіз robowunderkind.com сайтында алдын-ала тапсырыс бере аласыз.
Жоспарларымыз жайлы
2017 жылы мектептерге шығуға жоспарлап отырмыз. Қазірдің өзінде осы көктемде біздің роботтар ресми Австрияның мемлекеттік мектептерінде қолданылатын болады.
Біз сондай-ақ бөлшек саудаға шығуды жоспарлап отырмыз, өйткені біз қазір еуропалық және американдық нарықта сатылатын боламыз.