Арыстангали Сансызбаев
36 жаста, «Нұр Отан» партиясының Республикалық қоғамдық қабылдау бөлімі бастығының орынбасары
Жұбайы: Риза Сансызбаева, 32 жаста, «12 ай Астана» ЖШС кадрлар бөлімінің бастығы
Біз отбасы болғанымызға 12 жыл болды.Үлкен қызымыз Назерке 10 жаста, Мқлдір 7 жаста, Ұлым Аманжол 1 жас 10 айлық.
Отбасымда жалғыз ұл болғандықтан, 12 жыл бойы ата-анаммен тұрамыз. Анам, Сауле Алдабергенова 57 жаста. Әкем қайтыс болған, ал анам әрдайым бізбен бірге, әрқашан көмек қолын созады, кеңес айтады, қолдайды.
Әрине, көзқарастарымыз келіспейтін жағдайлар да болады, бірақ соңғы шешімді анам қабылдайды. Ол өте ақылды әйел, сондықтан көп жағдайда шешім қабылдау жағын маған ұсынады.
Ата-анаммен тұруымыздың бірнеше себептері бар. Біріншіден, ата-анаға деген махаббат. Екіншіден, бұл ұлдың, еркектің парызы. Бұл біздің салтымыз, адами және рухани құндылықтарымыз. Үшіншіден, солай ыңғайлы. Анам бізге балалырмыздың тәрбиесінде көмектеседі, керек кезде кеңес айтады.
Үлкендермен тұрудың артықшылықтары көп. Үйде әркез сен сенім арта алатын адамын бар. Балалар әрдайым қарауда болады, олар үшін уайымдамайсың, өйткені бұл бөтен адамдар емес. Балалар атасы мен әжесінің махаббатын, жылуын сезінеді, бұл балаларға өте қажет.
Кейде үлкендерге бағыну керек болмаса, аса қатты қиыншылықтар жоқ.
Арман Юсупов
21 жаста, видеоблогер
Жұбайы: Карина Оксукпаева, студент
Біз Карина екеуміз, біржарым жыл бұрын үйлендік. Ата-анамызбен 1 жыл 7 ай тұрамыз. Әкем 66 жаста, ал анам 56 жаста.
Үйіміздегі атмосфера өте жайлы және жылулық сезіледі. Карина бұл атмосфераны бірден сезінгендіктен біз бірге тұрамыз деп шештік.
Бізге ата-аналарымызбен тұру өте ыңғайлы, ешқандай шиеленістер мен қақтығыстар жоқ, кез-келген түсінбеушіліктің шешімін оңай табамыз. Ұлымыз Алимге де жақсы, ол әрдайым біреудің бақылауында болады. Сондықтан бөлек тұрғымыз келмейді, тек пәтер сатып алуды жоспарлап жүрміз.
Ата-анамызбен көзқарастарымыз келмейтін кездер болады, өйткені жасымызда айырмашылық бар, кейде бізді түсінбейді, кейде біз оларды түсінбейміз. Бірақ біз тез шешім табамыз.
Ата-аналарымен бірге тұрудың артықшылықтары әрдайым қолдау көрсетеді, жылы сөздер және кеңестер айтады. Ал, біз өз кезегінде оларға жаңа қайталанбас әсер сыйлаймыз. Біз олармен жиі қыдыруға тырысамыз. Олар бізбен бірге жасарады, ал біз олармен ақылдырақ бола бастаймыз.
Нурдаулет Арыстанбеков
24 жаста, мемлекеттік қызметкер
Жұбайы: Гаухар Арыстанбекова
Біз 3 жыл бұрын үйлендік. Осы үш жыл бойы ата-анамызбен бірге тұрамыз. Анам 56 жаста, ал әкемге 55-те.
Біз ата-анамызбен бірге тұруды ұйғардық, себебі бұл дәстүр, мен отбасындағы ең кішкентаймын, сонымен қатар бұл өте ыңғайлы. Қаржы жағынан қолайлы - пәтер ақысын төлемейміз, ет сатып алмаймыз.
Жұбайым екеуміз бір жерге баруды жоспарлаған кезде, менің анам үйде болғандықтан, ешкімге баламен бірге отыруды сұрамаймыз. Кейде ұлымды әкеммен де бірге қалдырам. Бізде бұл бірінші бала, сондықтан ата-аналар алдымен көптеген пайдалы кеңестер берді - мысалы, массажды қалай жасауға болады, алғашында қалай шомылдыру керек екенін көрнекі көрсетті.
Әйелім оңтүстіктен, мүмкін, осыған байланысты,немесе әлі ерте болғандықтан, ата-аналарымызбен келіспеушілік жағдайлар болған емес.
