Егер Астанада қызықты әрі әсерлі уақыт өткізудің жолдарын ойлап жүрсеңіз, біз сіздерге қала қонақтары мен тұрғындарын таң қалдыратын орындар тізімін әзірледік: тақырыптық кафелер мен мейрамханалардан бастап, креативті хабтарға дейін.
Raul кофейнясы, @coffee.raul
Бұл жайлы кофейня 22-ші қабатта орналасқан және Астананың Ботаникалық бағының тамаша көрінісін ұсынады. Мұнда сіз тек дессерттер мен дәмді кофеден ләззат алып қана қоймай, жайлы жұмыс істеуіңізге де болады. Мекемеде тегін Wi-Fi, розеткалар және ыңғайлы жұмыс орындары бар.
OzgeEpic креатив хабы, @ozgeepic_creativehub
Бұл арт-кеңістік этно-музей мен қолөнер шеберханасын қамтиды. Сондай-ақ, мұнда арт-перфоманс, музыкалық және әдеби кештер үшін трансформацияланатын зал, заманауи өнер галереясы, театр алаңы және ұлттық ойындардың смарт-интерактивті аймағы бар. Хабтың аумағында кофейня мен қазақстандық баспалардың өнімдерін ұсынатын кітап дүкені де жұмыс істейді.
Panno мейрамханасы, @panno.astana
Астананың орталығында орналасқан ерекше мейрамхана, мұнда жасыл өсімдіктермен көмкерілген тірі қабырғалар ерекше атмосфераны құрайды. Мекеменің мәзірінде әркімнің талғамына сай тағамдар бар. Қонақтар негізгі зал, жайлы VIP бөлмелері және стильді лаунж аймағында демалуды таңдай алады.
Kulturist концептуалды дүкені, @kulturist.shop
Бұл ерекше дүкенде сіз әртүрлі тауарларды таба аласыз: қазақстандық брендтер өнімдерінен бастап, винтажды табыстарға дейін. Мұнда әдемі әшекейлер, сирек кездесетін кітаптар, стильді киімдер және үйге арналған ыңғайлы заттар бар.
Momo жапон асханасы, @cafemomo.astana
Бұл кафе Жапония атмосферасын ұсынып, шеф-аспаздың авторлық мәзірімен ерекшеленеді. Мәзірде — балықтан, тауықтан дайындалған дәстүрлі тағамдар мен хош иісті сорпалар бар. Кафенің сөрелерінде манга мен кітаптар қойылған, жапон музыкасы ойнап тұрады және жапон телехабарлары көрсетіледі. Momo — қаладан шықпай-ақ Жапонияның ерекше дәмі мен мәдениетін сезінгісі келетіндерге арналған орын.
Clay Studio керамика шеберханасы, @clay_studio_astana
Pinterest стилінде стильді дизайнмен жасалған жайлы студия, мұнда керамикалық бұйымдарды бояу мен мүсіндеу бойынша шеберлік сабақтары өтеді. Бұл жерде туған күн немесе романтикалық кездесу ұйымдастыруға болады. Студия шығармашылыққа қолайлы жағдайлар жасайды.
Bookish café, @bookishcafe.kz
Ботаникалық бақтан алыс емес жерде орналасқан жайлы кафе, мұнда сіз қалдырған кітап үшін бір кесе кофе ала аласыз. Мұнда кітап алмастыру қызметі жұмыс істейді: өз кітабыңызды әкеліп, оны басқа кітапқа ауыстыра аласыз. Бұл мекеме оқуды сүйетіндерге ыңғайлы жағдайлар жасауға тырысады. Сондай-ақ, кафе-де дәмді тағамдарды бағалайтындар үшін әртүрлі тағамдар ұсынылады.
LM Kulanshi Art галереясы, @kulanshi
Бұл Астанадағы жаңа арт-кеңестік. Мұнда шеберлік сабақтар, шығармашылық студиялар, арт-іс-шаралар мен қазақстандық және шетелдік суретшілердің көрмелері өтеді. Бұл орын өнер мен білімді біріктіріп, суретшілер, кураторлар мен көрермендер арасындағы диалог алаңы!
