Астананың жаңа темір жол вокзалы 2017 жылдың мамырында пайдалануға беріледі. Вокзалдың құрылысы Астананың оңтүстік-шығыс бөлігінде 2014 жылы басталған болатын.
Воказалалды алаңда құрылысқа әдейі таңдалып алынған «Мыңжылдық» аллеясы болады. Бұл — тұрғын үй кешендері, бизнес орталықтары, қонақ үйлер, мектеп пен мектепке дейінгі мекемелер және басқа да әлеуметтік-мәдени нысандар орналасқан қаланың көп функционалды және келешегі бар аудандарының бірі.
Жаңа вокзалдың аумағы қазіргі вокзалдан 11 есе үлкен
Өз кезегінде бұл барлық жалғастырушы бағыттар бойынша өткізу қабілеттілігін арттыруға мүмкіндік береді. Бас қаланың жаңа темір жол вокзалының өткізу қабілеттілігі — «Негізгі оқиғалар» режимінде тәулігіне 35 000 жолаушы.
Қандай жаңалықтар болады
Вокзал құрылысында алдыңғы қатарлы жаңа технологиялар қолданылуда. Жаңа вокзалдың биіктігі 49,5 м, ені 120 метр және ұзындығы 630 м.
Вокзал энергия үнемдейтін жедел сатылар және эскалаторлармен қамтамасыз етілетін болады, энергияны 30%-ға дейін үнемдей алатын энергия үнемдейтін құрылғы орнатылады.
Вокзалды кезекті басқарудың заманауи жүйесімен, билеттерді электронды сату жүйесімен жабдықтау, WI-FI арқылы Ғаламторға жедел қолжетімділікті қамтамасыз ету қарастырылған.
Қонақ үйде демалып, түрлі қабаттағы мейрамхана, дәмхана, фуд-корттарда тамақтануға болады.
Сондай-ақ, медициналық пункт пен ана мен бала бөлмелері қарастырылған
Вокзал ішінде алты жол болады.
Пойыздар эстакадалардың көмегімен бірден ғимараттың ішіне тоқтайды
Қазірдің өзінде не бар
Қазіргі уақытта бетон жұмыстары, ғимараттың металл қаңқасын орнату, шатыр жұмыстары, ғимараттың жылынатын қасбетін қаптау толықтай аяқталған, орталық жылыту жүргізілген.
Кіре берістік темір жол эстакадасында металл аралық құрылысы аяқталған, тірек бөліктері мен шудан қорғайтын экранның металл құрылымдарын құрастыру аяқталуда, жолдың үстіңгі құрылысы жүріп жатыр.
Салынған темір жол жолдары жерден 10 метрге дейінгі биіктікке көтерілген, ал вокзалдың өзі олардың үстіндегі конкорста орналасқан.
2017 жылдың 15 мамырына қарай вокзал ғимаратындағы жедел сатылар мен эскалаторларды құрастыру мен іске қосу, абаттандыру мен аумақты көгалдандыруды аяқтау, әрлеу жұмыстарын бітіру жоспарланған.