Бағдарлама туралы
«Қазақстан Ипотекалық Компаниясы» ИҰ» АҚ «Нұрлы жер» тұрғын үй құрылысы бағдарламасы аясында Өңірлерді дамытудың 2020 жылға дейінгі бағдарламасы мен «Нұрлы жол» инфрақұрылымды дамыту мемлекеттік бағдарламасымен бұрын қарастырылған «ҚИК»ИҰ» АҚ-ның тұрғын үйлерді сатып алу құқығымен жалға беру бағытын жүзеге асыруды аяқтайды.
Бағдарлама өлшемдері:
— жалдау мерзімі өткеннен кейін тұрғын үй жалға алушының меншігіне өтеді
— сатып алу құқығымен жалдау мерзімі – 20 жылға дейін
— жалға берілген тұрғын үйді мерзімнен бұрын сатып алу мүмкіндігі
— кіріс жеткіліксіз болғанда кепілгерлерді тарту мүмкіндігі.
Жалға берілген тұрғын үйді жалдау мерзімі бес жылдан асқаннан кейін мерзімнен бұрын сатып алу мүмкіндігі. Бағдарламаға қатысушының меншікке сатып алған тұрғын үйді сатып алған күнінен бастап екі жыл ішінде тұрғын үйді иелігінен шығаруға рұқсат берілмейді. Тұрғын үйді жалға алудың минималды бағасы шаршы метр үшін 1200 тенге. Бағдарлама тек пәтерлерге ғана қатысты, жер үйлерге және жер теліміне қатысы жоқ.
Бағдарламаға қатысушылар
Сатып алу құқығымен жалға берілетін тұрғын үй толық көлемде Қазақстан Республикасының қолданыстағы тұрғын үй заңнамасына сәйкес айқындалатын кезектілік тәртібімен жергілікті атқарушы органдарында кезекте тұрған азаматтарына беріледі. Сұраным беріп, тұрғын үйді алуға тек халықтың әлеуметтік қорғалмаған тобы ғана талаптана алады,яғни бұл келесі санаттарға кіретін азаматтар:
— көп балалы және толық емес отбасылар
— мүгедек балалары бар немесе оларды тәрбиелеушi отбасылары
— жетім балалар мен ата-анасының қамқорлығынсыз қалған балалар
— оралмандар
— мемлекеттік қызметкерлер, әскери қызметшілер, арнаулы мемлекеттік органдардың қызметкерлері, бюджеттік органдардың қызметкерлері
—1 және 2 топтағы мүгедектер.
Сонымен қоса, осы сілтеме арқылы танысуға болатын басқа да бірқатар шарттар бар.
Қатысушы қатарына тұру
Бағдарлама үміткері болу үшін Астана қаласының тұрғын үй Басқармасына онлайн-өтінім беріп, кезекке тұру керек. Өтінімдерді қабылдау туралы хабарландыру Астана қаласының тұрғын үй Басқармасының сайтында жарияланады. Өтінімдеді қабылдаудың басталуы жалдануға тапсырылатын тұрғын үй обьектілерінің құрылысы аяқталғаннан кейін хабарланады. Қазіргі кезде Астанада тек бір тұрғын үй обьектісінің құрылысы аяқталды, ол Лепсы көшесінде орналасқан.
Толық ақпаратпен «Қазақстан Ипотекалық Компаниясы» ИҰ» АҚ сайтында немесе 797 575 байланыс телефоны арқылы танысуға болады.
Дереккөз: kmc.kz
