«Астана Опера» камералық-симфониялық оркестрі мен солист Ордабек Дүйсен (скрипка, АҚШ) «Мәңгі өшпес музыка» атты концерт ұсынбақ. 28 желтоқсан күні театрдың Камералық залында дарынды скрипкашы Ілияс Дүйсен дирижер ретінде алғаш рет өнер көрсететін болады. Белгілі қазақстандық скрипкашы Ордабек Дүйсен – «Даллас Опера» (АҚШ) симфониялық оркестрінің концертмейстері, Колима қаласындағы (Мексика) Өнер университетінің Құрметті әртісі және шақырылған профессоры, Форт Уорт қаласындағы (АҚШ) симфониялық оркестрдің әртісі, Грацтағы (Австрия) AIMS фестивалінің бас концертмейстері. Музыканттың шығармашылығы көптеген марапатпен аталып өткен. Ол – республикалық және халықаралық байқаулардың лауреаты, «Мәдениет саласының үздігі» төсбелгісінің иегері, «Дарын» мемлекеттік жастар сыйлығының лауреаты.
Дерек көзі: 24.kz
