«Ирина Кайратовна» жаңа бейнебаян ұсынды, @irinakairatovna
«Ирина Кайратовна» тобы жаңа трекке «Сиди дома» клипін жариялады. Режиссері — Қуаныш Бейсеков. Бейнероликте қатысушылар карантин кезінде немен айналысатынын көрсетті және үйде болуға шақырды.
Анатолий Цой жаңа трек шығарды, @anatoliytsoy_official
MBand тобының бұрынғы қатысушысы Анатолий Цой «Позови меня с собой» трегіне кавер-нұсқаны жарыққа шығарды. Бұл әнді ол ресейлік «МАСКА» шоуында орындап, жеңімпаз атанды.
Скриптонит өз бейнебаянына режиссер болды, @real_scrip
Скриптонит «Колеса» трегіне жаңа бейнебаян шығарды. Бұл «2004» альбомынан үшінші бейне. Бейнебаянды рэпер мен режиссер Медет Шаяхметов түсірді.
Назиманың жаңа трегі, @13nazima
Осы айда әнші Назима Do it! деп аталатын жаңа ән ұсынды. Сондай-ақ жақын арада бейнебаян шығаруды жоспарлап отыр.
M’Dee бейнероликті жарыққа шығарды, @mdeemusic
Жас музыкант M ' Dee жаңа трек пен «2х2» қысқа бейнеролик шығарды. Бұрын Макс Корж, Егор Крид, Клава Кока, nuteki тобы сияқты әртістермен жұмыс істеген қазақстандық клипмейкер Ник Хавроненко бейнеклип режиссері болды.
Ninety one тобының жаңа бейнеролигі, @ninetyone
Ninety One бойзбенді жанкүйерлерді жаңа сингл мен lie деп аталатын лирик-бейнемен қуантты.
Fatbelly трегінің релизі, @zheka_fatbelly
Блогер Zheka Fatbelly «Плакал» атты жаңа трек шығарды.
Zoloto жаңа бейнебаяны, @zzoloto
Zoloto лақап атымен өнер көрсететін Владимир Золотухин және Groza әншісі «По-взрослому» трегіне үйде түсірілген live-бейнесін көрсетті.
Dequine, @dequiine
Dequine «Золотом» трегінде жаңа клип жариялады. Әнші үйінде нөлдік бюджетпен клип түсірді.
104 және BALLER-дің жаңа релизі, @molodoi_boss, @baller_shymside
Қазақстандық рэперлер 104 және BALLER «В любое время». атты бірлескен трек шығарды.
Ziruza жаңа альбомын ұсынды, @ziruza
Ziruza — Q-pop жанрындағы әнші. Kim kelesi атты жаңа альбомын шығарды, оған жеті трек кірді.
