Ақсұлтан Қалиев, 20 жаста, «ХА-ХА шоу» жобасының бас директоры және резиденті
«XА-ХА шоу» жобасы туралы
Ең басында досым екеуміз жай ғана күлкілі видео түсіре бастадық. Сол кезде вайнның не екенін, қалайша вайнер болуға болатынын білген жоқпыз. Адамдарға ұнағанын көрген соң жауапкершілікті сезіне бастадық. Жаңа деңгейге көтерілу қажеттігін түсіндік: сценарийдің сапасын арттыра түстік, медиажоспарды ұстануға тырыстық.
Жобамыз серіктестік туралы ұсыныстар түсе бастағанда коммерциялық жобаға айналды. Вайнда біз ештеңені насихаттамаймыз, біреуге үгіт жүргізбейміз, тек позитивпен бөлісеміз.
Табыс туралы
Мен 20 жастамын, өмірге жоспар құрудамын және жауапкершілік арқалаудың не екенін білемін.
Өзімді жеткілікті түрде табысты адам деп санаймын, алайда бұл табысты вайнер болғандығымнан емес. Мен үшін іргетастың: құндылықтар мен принциптердің болуы маңызды. Мен өзімді жас кезімде таптым, өз ісімді таптым, үнемі жаңа идеяларды жүзеге асырамын, бір орында тұрмаймын. Бала күнімде вокалмен айналыстым және жақын арада ән айтуды жоспарлап отырмын.
Сүйікті ісіңе қаншалықты көп уақыт бөлсең, соншалықты кәсіпқой бола түсесің. Бұл табысқа жетуге көмектеседі.
Айболат Есентеміров, 26 жаста, Гумилев атындағы ЕҰУ бөлімшесінде Жастар бизнес-инкубаторының (ЖБИ) директоры
ЖБИ туралы
Біздің бизнес-инкубаторымыз жастарға өз мақсатына жетуге көмектеседі. Біріншіден, мен жас «стартапшыларды» дәстүрлі бизнеске үйретемін. Мұндай негізінен олар келешекте инновациялық шешімдерді таба алады. Және бұл білім жастарға қиындықтардан қорықпауға мүмкіндік береді.
Мен жобамен 2012 жылы әл-Фараби атындағы ҚазҰУ 4 курсында оқып жүргенде айналыса бастадым. Сол кезде әлі күнге дейін сәтті жұмыс істеп тұрған 3 жобаны іске қосқан болатынбыз.
Қазір біз Google, Microsoft сияқты корпорацияларда қызмет еткен қазақстандық жетекшілермен байланыс орнаттық. Олармен бірге тренинг форматындағы кешенді оқыту жүргіземіз. Өзім олардың жұмысын бақылап, жобалардың жүзеге асуын қадағалаймын. Осылайша, студенттер теориялық білімдерін практика жүзінде қолдана алады.
Табыс туралы
Жұмысымның ерекшелігі — мен оқытатын адамдар. Жас студенттер — қоғамның құбылмалы бөлігі: олардың қызығушылығы үнемі ауысып отырады, олар тез «жанып» кетеді. Бұл мені бір қалыпты ұстайды. «Жылыжай» жағдайында жұмыс істей отырып, олар субординацияны сезініп, тәртіпке келеді, ал бұл болашақ табыстың негізі болып табылады.
Достарымызбен университеттің екінші курсында: «Биіктерді бағындыр, уақыттан оз» деген сөзді ойлап таптық. Содан бері ешқашан бір орында тұрмаймын, ЖБИ-ден бөлек бизнестің сан түрімен айналысамын.
Негізінен, 40 жасқа дейін жұмыс істеп, содан кейін саяхаттап, отбасыңа көңіл бөлу керек деп есептеймін.
Жанболат Хайруллин, 20 жаста, PVE Productions Кинокомпаниясының президенті, PVE Production кинокомпаниясы базасындағы киноакадемия режиссері
PVE Productions жобасы туралы
Бәрі 2013 жылдың 26 қарашасындағы шығармашылық бірлестіктен басталды. Жақын араласатын достармен жұмыс істедім, алайда қазір бәріміз түгел емеспіз. Алдымен, түрлі роликтер түсірдік, өзіміздің сериалымызды түсіру туралы ойландық, алайда бізге тәжірибе мен білім жеткіліксіз болды. Біз криминалды жанрдағы «Жизнь как игра» фильмін түсіруден бастадық және ол аса табысты болған жоқ. Операторымыз тоғызыншы сыныпта оқитын кішкентай фотоаппараты бар қыз бала болды, бірақ талпынысымыз күшті еді. Фильм шыққан соң көңілім түсіп кетті, режиссер болудың оңай емес екенін түсіндім. Ойыңдағы картиналарды экранизациялай білу, идеяны дұрыс жеткізу қажет. Тобымыз жағымсыз пікір естіген соң күмәндана бастады. Алайда, біз түсіруді жалғастырдық: екінші ролик біріншісінен жақсы, үшіншісі екіншісінен жақсы шықты.
2014 жыл нағыз өнімді жыл болды. Біз «Жас Отан» ұйымымен меморандумға қол қойдық, олар шығармашылық жастарға қолдау көрсетеді. Осыдан бастап біздің кәсіби техникамыз, көздейтін аудиториямыз пайда болды, таныла бастадық. Мемлекеттік тапсырыстар түсе бастады, Expo роликтерін, прокуратура роликтерін түсіру туралы ұсыныстар болды.
Біз киноакадемия базасында актерлік шеберлік және тағы да көптеген пәндерді үйрететін киномектеп ашуды ұйғардық. PVE Production — Қазақстандағы өтірікті тану теориясын үйрететін алғашқы киномектеп.
Табыс туралы
2016 жылдың қаңтарында кинокомпаниямыздың лицензиясын алдық. ҚР Мәдениет министрлігі бізді ТМД-дағы құрамы ең жас ұйым ретінде тіркеді. Топта 16 - 22 жас аралығындағы ортақ іске, кино өнеріне деген махаббат біріктіретін жастар бар. Киноиндустрия — өмірімнің мәні, мен бұған бұл іске мұқият қарадым және оны бизнеспен байланыстыра алдым. Оның үстіне, ақша — жағымды бонус.
