Егер мықты компанияға өзіңіз қалаған лауазымға орналасқыңыз келсе, біздің материалды оқыңыз.
Creative Asia Telegram-арнасындағы тұрақты эфирлеріміздегі HR-мамандардың кеңестерімен бөлісуді жалғастырамыз. Ұсыныстары бар бірінші материалды сілтемеден таба аласыз.
Сілтемелерді басып, өтуге болатындай етіңіз
Насиба Роматова, «Компаньон Банкінде» IT Recruiter
Түйіндемедегі барлық сілтемелер бойынша өтуге болатын болса, бұл өте жақсы. Мысалы, мен LinkedIn немесе GitHub-дағы кандидаттың профилін көргім келеді делік, нұсқайтын сілтемелер тұрса маған басқа терезеге өтіп, іздеудің қажеті жоқ. Сондай-ақ, Telegram-дағы контактіні бірден қосымшаға өтетіндей еткен дұрыс — осылайша рекрутерге хабарласу ыңғайлы болады.
Өзіңіз туралы жазыңыз
Татьяна Григорьева, Head of talent acquisition Beeline Uzbekistan
Өзіңіз туралы қосымша ақпарат беру өте маңызды. Бұл бөлімде компанияға қандай құндылық бере алатыныңызды, жеке өзіңізді не қызықтыратынын және қандай принциптерді ұстанатыныңызды айтуға болады. Осының арқасында жұмысқа алушы алдындағы үміткермен әрі қарай бірге қызметтес болуға дайын ба, соны түсінеді.
Өз көрсеткіштеріңізді цифрландырыңыз
Жанерке Кулымжанова, PGS Astana құрылыс компаниясының HR-директоры
Рекрутерге алдыңғы жұмыс орныңызда компанияға қандай үлес қосқаныңызды білу маңызды. Мысалы, егер сіз сату жөніндегі менеджер болсаңыз, онда сіз жұмыс істеген соманы көрсетуге болады. Мүмкін сіз көрсеткіштердің бірін екі-үш есеге арттырған шығарсыз. Сондай-ақ, күніне қанша қоңырау соғылғанын және тағы да басқаны көрсетуге болады.
Өзіңіз жұмыс істеген компаниялар туралы айтып беріңіз
Асель Цхай, BASF персонал және әкімшілік қолдау бөлімінің басшысы
Жұмыс тәжірибесі деген бөлімде компанияның қысқаша сипаттамасын немесе оның жұмысының бағытын көрсетуге кеңес беремін. Тіпті ірі компаниялар туралы бәрі біле бермейді, әсіресе, егер алдыңыздағы адам индустриядан болмаса. Егер жұмыс орындары көп болса, әдетте рекрутердің олар туралы ақпарат іздеуге уақыты болмайды.
Сәйкес фотосуретті пайдаланыңыз
Меруерт Канаткызы, жетекші HR
Фотосуретті қосу міндетті емес. Бірақ егер сіз түйіндемеңізге фото қоямын деп шешсеңіз, онда лайықтысын таңдаңыз. Суретіңіз ашық түсті, іскерлік стильде болғаны дұрыс. Бастысы бетіңіз анық көрінуі тиіс.
Ілеспе хаттар жазыңыз
Жибек Нуртаева, HR-менеджер, кеңесші, рекрутер
Әсіресе, жаңа бастаған мамандар үшін ілеспе хаттар маңызды. Мұнда сіз қандай лауазымға орналасқыңыз келетінін және болашақта өзіңізді қандай маман ретінде көретініңізді жазуға болады. Осының барлығы рекрутерді үміткердің компанияға қалай көмектесе алатынынан хабардар етеді.
Құрылым бойынша толтырыңыз
Сымбат Мустаханова, HR-кеңесші
Функционалды тізбектеу кезінде белгілі бір құрылымды ұстанған дұрыс: егер «оңтайландыру», «қалыптастыру» сөздерін жаза бастасаңыз — жалғастырыңыз. «Енгіздік» немесе «өткіздік» деген сөздерді қосуға және араластыруға кеңес бермеймін. Жетістіктер туралы айта отырып, «біз» дегенге көшпеңіз — оның орнына «командамен бірге» деп көрсеткен дұрыс.
