Ақтау — тек өнеркәсіп орталығы ғана емес, сонымен қатар жазғы демалысқа арналған тамаша орын. Біз сіздер үшін Каспий теңізінің жағасында орналасқан алты жағажай мен демалыс аймағын ұсынбақпыз. Бұл жерлерде сіз тек серігіп қана қоймай, сонымен қатар әсем көріністерді тамашалап, әдемі фотосуреттер түсіре аласыз.
Каспий теңізінің жағалауында орналасқан танымал демалыс аймағы. Өзінің тазалығымен және көркем көріністерімен танымал. Отбасылық демалысқа өте ыңғайлы.
Nur Plaza, @nurplaza_beach
Тегін кіру мүмкіндігі және дамыған инфрақұрылымы бар жабдықталған жағажай. Мұнда балаларға арналған алаң, волейбол және футбол алаңдары, жазғы дәмхана, құтқару мұнарасы мен медициналық пункт бар.
Dostar Beach, @dostar_hotel_aktau
Ақтау тұрғындарының сүйікті демалыс орындарының бірі. Жағажайда балалар алаңы, жазғы кафе, медициналық пункт және киім ауыстыруға арналған таза кабиналар бар. Бұл аумаққа өз тағамыңызды алып кіруге рұқсат етілген .
Tree Of Life, @treeoflifekz
Ақтаудан 25 шақырым қашықтықта орналасқан сәнді курорттық кешен. Ұзындығы 400 метрден асатын құмды жағажайымен танымал. Қонақтарға жайлы демалыс үшін мейрамханалар, барлар және қызметтер ұсынылады. Сонымен қатар, аумақта аквапарк пен бірнеше бассейн бар.
«Манила»
Қаланың ең жиі баратын жағажайларының бірі. Тегін кіруге болады және демалуға барлық жағдай жасалған. Аумақта моншалар, қонақүйлер және жазғы дәмхана бар. Өз тағамыңызды алып келуге болады.
«Көгілдір бұғаз»
Өңірдегі ең көрікті жабайы жағажайлардың бірі. Ақтаудан шамамен 75 шақырым қашықтықта орналасқан. Көгілдір түсті суы, алтын түсті құмы және қызғылт тастары арқылы көз тартады. Бұл орын табиғат аясындағы тыныштықты қалайтындар үшін өте қолайлы.
