Ақсұлтан Ислам — жас әрі талантты әнші. Біз онымен сөйлесіп, маңсабы туралы білдік.
Ақсұлтан Ислам, 22 жаста, Алматы қаласы, музыкант, әнші, @aqsultaan
Өзі туралы
Мен бала кезімнен өнерге қызығушылық таныттым. Музыка әлемінде мен үш-төрт жыл жұмыс істедім. Өзім текстті де, әнді жазамын.
Маңсабы мен шабыты туралы
Менде мектеп кездерінде әнге деген құштарлығым болмаған. Бірақ уақыт өте келе, Жүргенов атындағы Қазақ Ұлттық өнер академиясына актер мамандығына түстім. Сол жақта ән айтуды үйрендім.
2017-2018 жылдарда ән жаза бастадым. Ең біріңшісі өлеңді анаға арнадым, бірақ әлі де сөздері бала жазғандай болатын. Сөйтіп ән жазуға құштарлығым ашылды. Актер мамандығын бітіріп, Жүргенов академиясына «Эстрадный вокал» мамандығына түстім, және де солайша шығармашылыққа келдім.
Agugai әнді мен стримде отырғанда жаздым. Мен соны TikTok-қа салғанда ол көрермендерге жақсы ұнаған. Солайша досым Медетке ән идеясын ұсынып, екеуіміз ән жаздық.
Музыка — менің әлемім. Мен ішкі және нағыз Ақсұлтанды әннің көмегімен көрсетемін. Мен музыка жазған кезде өзімнің басымнан болған оқиғалар туралы айтамын. Көптеген әндерде менің әңгімем бар. Шабыт сезім пайда болған кезде музыка да пайда болады.
Қазақ тіліндегі контент туралы
Мен қазақ тілді дамытқым келеді. Егер шығармашылығымның арқасында менің тілімді үйренетін шетелден жанкүйерлерім болса — ол үлкен бір жетістік.
Қазақ тілімен әр затты әдемілеп жеткізуге болады. Ол мысалға ән болсын, әлде дубляж болсын. Біздің тілдің мағынасы, әнгіменің астары күшті. Басқа тілдірмен салыстырғанда, біздікі бай болып келеді. Сол себепті оны дамыту өте маңызды.
Қазақ тілде блог жүргезгенінің арқасында мені көбірек адам таниды, көрермендермен танысып, сөйлесіп жатырмыз. Содан басқа реклама жағынан да ұсыныстар бар.
Кеңес
Өмірде қандай жағдай болмасын — берілмеу керек және еңбектену керек.
