Ержан Максим, @maksim_erjan
2019 жылдың жарқын жұлдызы — Ержан Максим — жас әнші, «Голос. Дети» музыкалық шоуының алтыншы кезең жеңімпаздарының бірі.
Тыңдауларда қазылар алқасының барлық үш мүшесі қазақстандық үшін дауыс берді. Бірақ Ержан Валерий Меладзені тәлімгерлікке таңдап, оның басшылығымен байқаудың финалына жетті.
Мұнымен жеңістер аяқталған жоқ. 2019 жылдың 24 қарашасында Ержан Максим Польшадағы балалар «Евровидениясында» Қазақстанды лайықты таныстырды. Ол екінші орынға ие болды.
Димаш Кудайберген, @kudaibergenov.dimash
2019 жылы қазақстандықтар мен әлем жанкүйерлері Димаш Құдайбергеннің жетістіктері үшін ерекше мақтаныш сезімінде болды.
Жыл басында әнші Қазақстаннан шыққан алғашқы қатысушы болып, The World ' s Best 2019 американдық шоуына қатысты.
Ресейде Жыл сайынғы «Жыл әні» жүлдесінде Димаш Құдайберген «Жыл әншісі» марапатына ие болды. Марапатты орындаушыға халық әртісі Валерий Леонтьев табыс етті. Сонымен қатар, ресейлік «Виктория» ұлттық музыкалық премиясында ол бірден екі номинацияда жеңіске жетті.
Ал, 10 желтоқсанда Димаш Құдайберген Нью-Йорктегі Barclays Center аренада жеке концертін өткізді.
Данэлия Тулешова, @tuleshova_daneliya
Данэлия The world ' s Best 2019 американдық шоуында өнер көрсеткен Қазақстанның екінші қатысушысы атанды.
Сондай-ақ, осы жылы ресейлік орындаушы Полина Гагаринаның жеке шақыруы бойынша жас әнші Singer 2019 Қытай музыкалық байқауының финалында өнер көрсетті.
Канат Нуртазин, @kanat_n
Көкшетаулық суретші, жапырақтарда сурет салады, «Сурет салудың 100 әдісі» жобасының авторы.
Биылғы жылы Disney-дің «Малефисента» және «Суық жүрек 2» екі әлемдік премьерасы өтті. Қанат Нұртазин оладың жарнама роликтері үшін жапырақтарда бейнелерін кескіндеді. Сондай-ақ, суретші Nickelodeon үшін жапырақтарда иллюстрациялар жасады.
Иманбек Зейкенов, @imanbek_zeikenov
Биылғы жылы Ақсу қаласының жас теміржолшысы Иманбек Зейкенов танымал болды. Әуесқой диджей американдық рэпер Saint JHN Roses әніне ремикс жазды. Бір әнмен ғана әлемдік чарттарда топ жарды. Трек Apple Music-тің 10 үздігіне кірді, ал Shazam музыка қолданбасында миллиондаған көрермен тыңдады.
Владимир Морозов, @v_morozov
Биылғы жылы әлемнің ең әдемі ер адамы деп қазақстандық Владимир Морозов танылды. Ол Үндістанда өткен Mister Model Worldwide халықаралық сұлулық байқауында жеңіске жетті. Астаналық 17 финалисті озып, байқаудың бас жүлдесін иеленді.
Элизабет Турсынбаева
Элизабет Тұрсынбаева — ресми жарыстарда төрт сальхов орындаған тарихтағы алғашқы ересек мәнерлеп сырғанаушы. Қазақстандағы «Үздік жас спортшы» титулының иегері биылғы жылы тағы да өз жанкүйерлерін таңқалдырды. Ол 2019 әлем вице-чемпионы атанып, төрт құрлық Чемпионатында және қысқы Универсиада — 2019-да күміс медаль жеңіп алды.
Материалды дайындауда көмек көрсеткендері үшін Ксения Придатченкоға, Зифа Хабироваға, Айгерим Тугелге, Асылбек Арынгазға алғыс білідреміз.
