Kitap (iOS, Android)
Кімге арналған: қазақ әдебиетін сүйетіндер үшін
Пайдасы:
Қосымшада 4000-нан аса қазақ тіліндегі кітап жинақталған. Кітаптар авторлар мен бөлімдер бойынша бөлінген, сондай-ақ, кез-келген кітапты атауы арқылы табуға болады. Барлық кітапты оффлайн түрде оқи аласыз, бастысы, қосымшаны смартфоныңызға жүктеп алуыңыз қажет.
Kім білгіш (iOS, Android)
Кімге арналған: интеллектуалды жарыс ойынын жақсы көретіндерге
Пайдасы:
«Кім білгіш» - интеллектуалды жарыс ойын-викторинасы. Ойын алты раунд барысында кімнің ақылды екенін анықтайтын екі ойыншы арасындағы жарысқа құрылған. Ойында түрлі санаттар, физика, математика, лингвистика, кино, музыка және т.б. бойынша, сұрақтар жинақталған.
Start Code (iOS)
Кімге арналған: бағдарлама жасауды (программалау) үйренгісі келетіндер үшін
Пайдасы:
Қосымшада бірнеше веб-программалау курсы бар. Әр курстың соңында бір сайт әзірлейтін боласыз. Курс әзілге құрылған қызықты материалдардан тұрады. Орындалған әр тапсырмадан соң, оқушы өзін тексере алады.
Doctor Stars (iOS)
Кімге арналған: медицина мен биология саласы бойынша интеллектуалды жарыс ойындарын жақсы көретіндерге
Пайдасы:
Doctor Stars — қатысушылар әлемнің түкпір-түкпірінде отырып-ақ, бір-бірімен медицинаның түрлі саласы бойынша білімдерін сынасуға мүмкіндік беретін тегін интеллектуалды ойын-викторинасы. Ойын базасында медицина, биология, анатомия, эндокринология, паразитология, иммунология, кардиология, онкология, гинекология және неврология жайында 3000-нан аса сұрақ бар. Бір ойын – алты сұрақтан үш раундты құрайды, әр сұраққа ойлануға 25 секунд беріледі.
.png)
Soyle.kz (Android)
Кімге арналған: қазақ тілін үйренгісі келетіндер үшін
Пайдасы:
Soyle.kz — қазақ тілін басынан бастап үйренгісі келетіндерге көмектесетін қосымша. Барлық сабақтарды кәсіби лингвист, филолог мамандар жазған. Сабақтар бойынша өзіңізді тексеріп, жаңадан үйренген сөздеріңізді қолдана аласыз.
