Қараша және желтоқсан айларында Қазақстан әншілері шығарған жаңа тректермен бөлісеміз.
Dequine — «Матча Чай»
Осы айдың басты хиті — Dequine-нің «Матча Чай» әні. TikTok-та көп қаралым жинап, тренд болып шыға келді.
Jah Khalib — «Доча»
«Доча» әнінің премьерасы қыстың алғашқы күнінде өтті. Мейірімге толы нәзік ән тыңдарманның көңілінен шықты. Әннің жолдар тез жатталып қалады.
Kenjebek Nurdolday — «Шоколад»
Жас өнерпаздың әні бірнеше апта бойы музыкалық хит-парадтарда алдыңғы орындарда болды.
Ayau, Shiza, M'Dee — basqany :(
basqany :( — Ayau-дың M'Dee және хип-хоп орындаушысы Shiza-мен бірлесіп жазған әні.
Ayau үшін бұл M'Dee-мен бірінші фит, ал M'Dee үшін қазақ тіліндегі алғашқы трек. Әнде әртістер айырылысу мен бастарынан өткен сезімдері туралы айтады.
НАZИМА — «Отпусти»
Бір ай бұрын әнші NAZИМА «Отпусти» деп аталатын жаңа трек шығарды. Тыңдаушылар трек бейнебаянының астына оң пікір қалдырып жатыр.
Akha — «Солнце взойдет»
Қараша айында Akha тыңдармандарын жаңа әнімен қуантты. Трек «Солнце взойдет» деп аталады. Музыкант бұл әнімен OYU Live жобасында өнер көрсетті.
Amre — «Арман қыз»
Танымал әнші әрі ресейлік «Голос» жобасының финалисі қазақ тілінде «Арман қыз» атты әннің каверін жарыққа шығарды.
ARUT, THE LIMBA — PROOF
Әлеуметтік желілерде біраз шу тудырған фит. The Limba кәсіпкер Арутпен фит жазды. Оның орнына қазақстандық әртістің анасына Алматының элиталы ауданынан үй сыйлады.
ABILEXX, Say Mo — «Дай мне»
Біз Say Mo-ның «Лям» әнін әлі ұмытқан жоқпыз, ал ол болса, ABILEXX-пен жазған «Дай мне» жаңа әнімен чарттарды жаулап үлгерді.
Adil feat.RaiM — «Как обычно»
Adil feat.RaiM фит шығарды. Трек «Как обычно» деп аталады, әнді аудитория жылы қабылдады.
Fatbelly ft. Ulukmanapo — «42»
Fatbelly-дің Ulukmanapo-мен бірлесіп жазған «42» атты жаңа трегі шыққан күннен бастап еліміздің радиосында.
ALPHA — SÓZ BERE ALMAIM
Қазақтың дарынды Q-pop әртістерінен құралған Alpha тобы «Soz bere almaim» әнін шығарды.
Moreart, Jaman T — Wakanda
Moreart пен Jaman T бірлесе отырып, Wakanda трегін шығарды. Релиз 10 қарашада қазақ кинотеатрларында көрсетіле бастаған «Қара пантера: Ваканда мәңгілікке» фильмінің шығуымен тұспа-тұс келді.
Rusha, M'Dee — Qolshatyr
«Закрытый клуб» лейблі жаңа әнші — Rusha-ны таныстырды. Дебют M’Dee мен Rusha-ның Qolshatyr әнінің релизімен өтті.